حج و اوقاف وزیرلیگی و آریانا هوایی شرکتی اورته‌سیده حاجیلرنی سعودیه عربستانگه ایلتیب کیلتیریش اوچون 29 میلیون دالرلیک بیر شرطنامه گه قول قویدیلر.
حج و اوقاف وزیرلیگی‌نینگ سرپرستی داعی‌الحق عابد خبری انجمن آلیب، مذکور شرطنامه گه قول قوییش پیتده جاری ییلده حاجیلرنی سعودیه عربستانگه ایتیلیش اوچون یخشی شکلده چاره تدبیر کوریب، اوتگن ییلگه قره گنده جاری ییل حاجیلرنی بار قیینچی‌لکلرینی بر طرف ایتیلیشیدن خبر بیرگن.
جناب عابدنینگ معلوم قیلیشیچه، جاری ییلده آیانا هوایی شرکتی حاجی‌لر اوچون بیر میلیون دالر تخفیف بیرگن و شونینگدیگ جاری ییلده 675 کیشی تیکین شکلده مکه گه یوباریله دی.
آریانا هوایی شرکت باشلیغی نادر عمر اوشبو اولتیریشده نطق سوزلب، حج‌گه کیته دیگنلر اوچون ایریم برنامه قولگه آلیب، حاجیلرنی هیچ قنده ی قیینچی‌لیک بیلن روپه ره بولمسدن آلیب کیلیشگه سوز بیردی.
جناب عمرگه کوره، حاجیلرنی عربستانگه ایلتیش اوچون اوشبو شرکت نینگ 310 تیپلی ایکی اوچاقیدن باشقه اوچاقلر دن ایش آلیشلری ممکن.
آریانا هوایی شرکتی‌نینگ باشلیغی، باشقه اوچاقلرنی کرایه پولی سالیق وزیرلیگی، پشتنی بانگ و افغان ملی بانکی تامانیدن تولنیشینی بیلدیرگن.
حج و اوقاف وزیرلیگی نینگ رسمیلری اوشبو اولتیریشده، جاری ییلده 30 مینگ کیشی حج مراسیمینی ادا قیلیش نیتیده مکه گه باره دی دیگن، اوتگن ییلگه قره‌گنده 6 مینگ کیشی کوپه‌یگن.
