.jpg)
د جوزجان خبریالانو د کورنیو چارو وزارت د وروستۍ تګلارې پر وړاندې خپلې خولې وتړلې. دوی وايي، دغه پرېکړه د ناقانونه پرېکړو زیاتوالي لامل کېږي او باید په اړه یې له سره غور وکړي.
په همدې حال کې د افغانستان د رسنیو د ملاتړ ټولنې رییس عبدالمجیب خلوتګر هم نن د ازادو خبریالانو په غونډه کې وویل چې د کورنیو چارو وزارت تګلاره اطلاعاتو ته د لاسرسي حق محدودوي.
خلوتګر زیاتوي، د کورنیو چارو وزارت تر یادې پرېکړې وروسته د خبریالانو تر ۵۰ زیات شکایتونه یې ثبت کړي دي.
د کورنیو چارو وزارت څو ورځې وړاندې د دغه وزارت د کارکوونکیو له لوري د ځینو مالوماتو د نه خپرولو لارښوونه وکړه.
د دغې تګلارې خپرول «د حساسو مالوماتو د خپرېدو مخنیوی، په اداري، عملیاتي او سټراټېژیکو چارو کې د وظیفوي رازونو ساتل، د دغه وزارت د نظامي او ملکي کارکوونکیو د هویت پټ ساتل او د پولیسو په وړاندې د شته ګواښونو راکمول» یاد شوي دي.
.jpg)
د یادې تګلارې په یوه برخه کې د کورنیو چارو وزارت له ټولو کارکوونکیو غوښتل شوي چې «د ګومارنو، تبدیلۍ، ترفېعاتو او د نورو ذاتي برخو او عریضو په اړه د لوړپوړیو چارواکیو د فرمانونو او حکمونو» په اړه د ټولنیزو رسنیو په ګډون، په چاپي، تصویري او غږیزو رسنیو کې خپاره نهکړي.
