افغانستان جمهور رئیسینینگ بیرینچی اورین باسری جنرال عبدالرشید دوستم و نظامالدین قیصارینینگ طرفدارلریدن مینگلرچهسی حکومت گه قرشی بیریب کیلهدیگن شعارلرینی آلتینچی کونیده ایتیشیچه، حکومت اولرنینگ سیسلریگه قولاق سالمهگن صورتده، مدنی نافرمانلیک اعتراضلری و «جنوبی ترکستان» نامیده خودمختار حکومت اعلان قیلیشگه قدر دوام بیرهدیلر.
اعتراضچیلر دنیا جماعهچیلیگیدن مملکت شمالی گه بیر هیأت یوباریب وضعیتنی تیکشیریشینی سورهگنلر.
جوزجان ولایتیده جنبش یاشلری حرکتی باشلیغی قدرتالله وطننینگ ایتیشیچه، مملکت تجزیه ایتیلیشینی ایستمهیدیلر، لیکن اوشبو وضعیت دوام قیلگن صورتده، بو گزینهنی قولدن بیرمهیدیلر.
اعتراضچیلردن باشقه بیری و قومی کینگش باشلیغی عبدالمجید صمیم نینگ ایتیشیچه، حکومت شمالی ولایتلرنینگ یشاوچیلرینی ایستهگی گه دقت قیلیشی کیرهک و دقت قیلمهگن صورتده، مملکتده وضعیت چیگل بولیشی ممکن.
جنرال دوستمنینگ طرفدارلریدن مینگلرچهسی حاضرگهقدر فاریاب، بغلان و تخار ولایتلریده ناراضیلیک نمایش گه قول اوریب و حکومتدن قومگرالیک و اتفاقسیزلیک تشلشدن قول تارتیشینی سورهگن.
خودمختار حکومت اعلان قیلیش و حربی گزینهدن فایدهلنیش اوچون اعتراضچیلرنینگ هشداری گه جواب جمهور رئیس سوزلاوچیسی اورین باسری شاهحسین مرتضوینینگ ایتیشیچه، زمانی کیلگنده حکومت هر سوراققه جواب بیرهدی.
عین حالده، شمالی ولایتلرنینگ یشاوچیلرینی ناراضیلیک نمایشلریدن آلتی کون اوتماقده، بیراق حاضرگچه یشاوچیلرنینگ اچیغینی یاتقزیش اوچون هیچ بیر ایش قیلینمهگن و بو ناراضیلیک نمایشلرگه قییرگچه باریشی بیللی بولمهگن.
