افغانستان شمالی‌ده جایلشگن جوزجان ولایتی درزاب تومنی‌نینگ ولسوالی رحمت‌الله حشرنینگ خبری بیر اولتیریش‌ده، اوتگن ییل‌دن هنوزگچه قیز و ایرکک‌دن عبارت 94 کیشی تیزاب‌دن فایده‌له‌نیب جانلری‌گه قصد قیلگن‌لیکنی ایتگن. بولردن 15ته‌سی عالم‌دن اوتگن و قالگنی ایسه دواله‌نیش آستی‌گه آلینگن دیدی تومن حاکمی رحمت‌الله حشر.
جناب حشر، اوز جانی‌گه قصد قیلیش‌گه بیرینچی سببی اجتماعی و اقتصادی قیینچلیک قوشیمچه تیریکچیلیک اوچون ضرور بولگن نرسه‌لرگه قول تاپمس‌لیک باعث بوله‌دی دیگن. حشر، یاشلر حیات‌ده‌گی موجود قیین‌چلیک‌لردن چیقیش‌نینگ بیرینچی یولی‌نی سو قصد قیلیش‌ده قدیریشلرینی تیل‌گه آلگن.
جوزجان انسان حق حقوقلری بوییچه اداره باشلیغی خانم مغفرت صمیمی، ولایت‌ده یاشلر ایچیده اوز جانی‌گه سوقصد قیلیش میزانی آشگن‌لیگی توغریسی‌ده خواطر بیلدیریب، بو واقعه‌لرگه نابرقرارلیک، قشاقلیک، عایله‌وی زوروانلیک و زوردن تورموش‌گه چیقارش سبب بولیشی‌نی بیلدیرگن.
شونینگ‌دیک خانم صمیمی حکومت‌دن یاشلر ایچیده اوز جانی‌گه قصد قیلیش آلدینی آلیش اوچون حل یول تاپیش‌نی سوره‌گن.
افغانستانده عایله‌وی و اقتصادی قیین‌چلیکلر سبب یاشلرنی اوز جانی‌گه سوقصد قیلیش مساله‌سی جدی تشویشلردن حسابلنه‌دی؛ اما حکومت رسمیلری یالغوز اخبارات واسطه‌لریگه گزارش بیریش بیلن چیکله‌نیب کیلگن.
