جوزجان حاکمی اورین باسری عبدالرحمان محمودی‌نینگ ایتیشیچه، اوشبو ولایت‌نینگ درزاب و قوش‌تپه تومن‌لری داعش قولی گه سقوط قیلیشی ممکن. شو یوزه دن، تیزلیک‌ده اوشبو ولایت گه ینگی امنیتی کوچلر یوباریلمه‌گن صورتده، مذکور تومن‌لر داعش گروهی‌نینگ قولی گه سقوط قیله‌دی.
مرکزی حکومت‌دن تنقید قیلگن جوزجان ولایت کینگشی اعضالریدن بیری و دین عالمی‌نینگ سلام‌وطندارگه ایتیشیچه، ایلگریدن مذکور ولایت گه بیر آز دقت قیلینگن صورتده، حاضر جوزجان ولایتی داعش گروهی‌نینگ حربی قرارگاهی گه اوزگرمس ایدی.
اولرنینگ ایتیشیچه، درزاب و قوش‌تپه تومن‌لری‌نینگ توپراغیدن کمیده 95% داعش گروهی نظارتی گه اوتگن.
عین حالده، بوگون جمهورلیک ریاستی‌نینگ ییریک مصلحتچیسی نادر محسنی، بیر دولتی هیأت همراه‌لیگی ده مذکور ولایت گه ییتیب بارگن و اونینگ ایشانچ بیریشیچه، اوشبو ولایت‌نینگ امنیتی وضعیتی‌دن دقیق معلومات توپلب و حکومت بیلن شریک قیله‌دی و تیزلیک‌ده مذکور ولایت‌ده ناتینچلیک‌لر آلدی آلینیشی اوچون چاره تدبیر کوریله‌دی.
جناب محسنی‌نینگ ایتیشیچه، اولر مذکور ولایت‌نینگ امنیتی وضعیتی‌نی تیکشیریش یانیده، جمهور رییس‌نینگ فرمانی اساسیده، ناقانونی قوراللی کیشی‌لرنینگ آلدیدن ناقانونی حربی جهازلر و قورال اسلحه‌لرنی توپله‌یدیلر.
