جوزجان ولایتی کینگش اعضاسی ملا امرالدین دانشجو نینگ سلام‌وطندارگه ایتیشیچه، طالبان گروهی مردیان تومنیده جای‌لشگن امنیتی کوچلرنی اقتصادی لحاظ دن تحریم قیلگنی‌دن سونگ، 4 تاماندن بو تومن مرکزی اوستیگه هجوم قیلگن.
جوزجان ولایتی کینگش اوشبو اعضاسی نینگ کوپه‌یتیریشیچه، بو تومن‌ده امنیتی کوچلر و طالبان جنگری‌لری آره‌سیده یوز بیرگن آتیشمه نتیجه‌سیده، کمیده بیرمینگ عایله آواره بولگن.
جناب دانشجو نینگ آگاه‌لنتیریشیچه، مردیان تومنی مرکزیده وضعیت خواطرلنترووچی دیر و طالبان گروهی‌نی آرتده اوریش اوچون حاضرگه‌قدر حکومت تامانیدن هیچ‌قندی سعی و حرکت قیلنمه‌گن.
عین‌حالده، مردیان تومنیدن آقچه تومنیده آواره بولگن بیرقطار کیشی‌لر طالبان نینگ فشاری باعث، صحبت قیلیش‌نی ایستمه‌یدی، بیراق اوروش شدت‌لنگنی سبب، اوی و جای‌لرینی ترک قیلگنلر.
شونینگدیک، جوزجان پولیس قومندانی عبدالواحد وجدان نینگ سلام‌وطندارگه ایتیشیچه، بو ولایت مردیان تومنیدن آواره بولگن‌لرنینگ اوی‌لری طالبان تامانیدن سنگر توزه‌تیلگن.
جناب وجدان نینگ کوپه‌یتیریشیچه، طالبان گروهی‌ده یوزمه‌یوز مقاومت قیلیش کوچی یوق دیر. انه‌شوسبب مسکونی اوی‌لر و تینچ اهالی‌دن سپر عنوانیدهه قوله‌نیب امنیتی کوچلر برابریده اوروشه‌دی.
بیراق، طالبان سوزلاوچیسی ذبیح‌الله مجاهد، میدیالرگه بیر پیام یوباریب مسکونی اویلردن سنگر صفتیده قوله‌نیلیشی‌نی رد قیله‌دی.
شوتوغریده…
