جوزجان ولایتیدن گزارشده آتلری فاش ایتیلیشینی ایستمهگن قطار امنیتی منبع نینگ سلاموطندارگه ایتیشیچه، جوزجانده طالبان گروهی هامویتانکینی ضدی لیزرلی عصری حربی جهازلر و اوچووچیسیز اوچاقلردن فایدهلنهدی.
اولرگه کوره، سونگی کونلرده امنیتی کوچلردن 40 کیشی لیزرلی حربی جهازلر و کیسکین نشانچیلر تامانیدن اولدیریلگن و بیرقطاری یرهلنگن.
شونینگدیک، نمایندهلر کینگشیده جوزجان نمایندهسی سید عزیزالله الفتی نینگ سلاموطندارگه ایتیشیچه، طالبان گروهی عصر حربی جهازلر بیلن جهازلنگن و حاضر جوزجان ولایتیده بولگن اوروش مدیریتی طالبان گروهی نینگ قولیده بولگن.
جوزجان یشاوچیلریدن قطاری اوشبو ولایت نینگ خوفسیزلیک وضعیتیدن خواطر بیلدیریب ایتیشلریچه، زمانوی لیزرلی حربی جهازلر و اوچووچیسیز اوچاقلر مذکور ولایت نینگ امنیتی وضعیتی نی یمان بولیشی گه سبب بولگن.
عین حالده، شونینگدیک شمالده 209 شاهین قول اردو قومندانلیگی سوزلاوچیسی محمدحنیف رضایی، طالبلر حربی عملیاتلرده زمانوی قورال و باشقه مملکتلردن قولگه کیلتیرگن قطار امکانیتلردن فایدهلنیشی نی تصدیقلهیدی.
شو توغریده:
غزنی عسکرلری: هلیکوپترلر طالبلرگه ییگولیک ماده ترقتهدی
ایرانیلیک اوچووچیسیز بیر اوچاق افغانستان فضاسیگه اوچگن
طالبان اشغالیده بولگن منطقهگه ایران تیک اوچری قونگن
اونینگ کوپهیتیریشیچه، آرم و بیلگیسی بولمهگن نیچه پایه زمانوی قوراللر امنیتی کوچلرنینگ قولیگه توشگن و اوشبو قوراللرنی پاکستان، ایران و باشقه مملکتلر طالبلرنینگ اختیاریگه قرار بیرگن.
شونینگدیک جوزجان پولیس قومندانلیگی نینگ خوفسیزلیک آمری کمالالدین یاور، طالبلر زمانوی لیزرلی قوراللردن فایدهلنیشی نی تصدیقلب ایتیشیچه، امنیتی کوچلر شو یوزهدن کوپینچه تلفات کورگنلر.
جوزجان مملکت نینگ ناتینچ تومنلریدن سنلهدی کیم ایچکی جنگریلری یانیده شونینگدیک چیت ایل جنگریلر زمانوی حربی قوراللردن فایدهلنیب ترورچیلیک فعالیتلر بیلن شغللهنیب کیلماقده.
شونینگدیک طالبلر سوزلاوچیلریدن ذبیحالله مجاهد، مذکور گروه جنگریلری اوچووچیسیز اوچاق و زمانوی حربی جهازلردن فایدهلنیشی نی تصدیقلهیدی.
