جوزجان ولایتی نینگ درزاب تومنی پولیس قومندانی تورن اسماعیل نینگ سلام‌وطندارگه ایتیشیچه، طالبان جنگریلریدن یوزلرچه‌سی اوتگن کیچه درزاب تومنی نینگ آق‌چشمه منطقه‌سی اوستیگه هجوم قیلگنلر، بیراق امنیتی کوچلرنینگ مقاومتی بیلن روپهره بولگن.
درزاب پولیس قومندانی‌گه کوره، امنیتی کوچلر و طالبان جنگریلری آره‌سیده بولگن آتیشمه ساعت‌لرچه دوام تاپگن و طالبان گروهی نینگ قیزیل قطعه‌سی اعضالریدن 8 ته‌سی شامل 15 جنگری‌سی هلاک ایتیلگن.
جناب اسماعیل، امنیتی کوچلردن ایکی ته‌سی نینگ هلاک ایتیلگنی‌نی تصدیق‌لیدی، بیراق اونینگ ایتیشیچه، درزاب تومنی نینگ امنیتی وضعیتی خواطرلنترووچی دیر و طالبان گروهی بیرقطار ولایتلردن اوز جنگریلرینی بو تومن‌گه توپله‌گن.
درزاب تومنی یشاوچی‌لریدن بیرقطاری نینگ سلام‌وطندارگه ایتیشیچه، اوتگن کیچه امنیتی کوچلر و طالبان آره‌سیده صورت تاپگن آتیشمه‌لر نتیجه‌سیده، طالبان جنگریلریدن 15 ته‌سی هلاک و باشقه 30 ته‌سی یره‌لنگن دیر.
طالبان گروهی حاضرگه‌قدر بوتوغریده فکر بیلدیرمه‌گن.
شوتوغریده…
