اوتگن کون ایرتلب (شنبه) قورال‌لی جنگریلرنینگ 700-800 کیشی‌سی فراه ولایتی‌نینگ عمومی یولی، بالابلوک و پشت‌رود ولسوال‌لیک‌لریگه تورت تاماندن هجوم قیلیب، اوتگن کیچه بی وقتگچه ملی کوچلر بیلن توقنشگن‌لیک‌لری خبر قیلیندی.
مملکت غربی‌ده 207- ظفر قول اردوسی‌نینگ قوماندانی تاج محمد جاهد بوگون (یکشنبه) بیر ییغین‌ده ایتیشیچه، جنگری طالبلر 517 (فراه – فراه رود) و شونینگ‌دیک عمومی یول‌لنی باغلش‌گه حرکت قیلگن‌لر. اما، ملی کوچلرنینگ مقاومتی‌گه روپه‌ره بولگن‌لر.
اونینگ ایتیشیچه، هجومچی‌لرنینگ سانی 700 – 800 کیشی بولگن. ایتیلیشیچه، قوشنی ولسوالیک‌لردن بو تامانگه هچوم قیلگن‌لر. جناب جاهد، عصیانچی طالبلر ملی کوچلر مقامتی نتیجه‌سی‌ده قاچیش‌گه موفق بولگن.
مملکت غربی‌ده ملی اردونینگ قوماندانی، هجوم‌ده 6 طالب هلاک بولیب و باشقه 16 جنگری تن جراحتی آلگن لیگینی ایتگن. شونینگ‌دیک اوروش‌ده ملی کوچلردن هم بیش نفر یره‌لنگن.
بادغیس رسمیلریگه کوره، فاریاب‌ده جنرال دوستم رهبرلیگی‌ده بولگن اوروشطالب‌لرنی بادغیس‌گه قاچیش‌گه مجبور قیلگن.
بو بیلن بیرگه بادغیس ولایت محلی رسمیلری، فاریاب ولایتی‌ده افغانستان جمهور رییسی نینگ بیرینچی اورین باسری جنرال عبدالرشید دوستم رهبرلیگی‌ده یولگه قوییلگن حربی عملیات‌ده جنگری طالبلر فاریاب حدودلریدن قاچیب بادغیس ولایتی‌نینگ بالامرغاب تومنی‌گه هجوم قیلگن‌لر دیگن.
نیچه‌ده هفته‌دن بیری شمالی افغانستان اینیقسه فاریاب ولایتی‌ده قورال‌لی طالب‌لرگه قرشی عملیات اوچون جمهور رییس‌نینگ بیرینچی اورین باسری رهبرلیک قیله‌دی.
عین حالده، جناب جاهد، فاریاب حدودلریدن قاچیب بادغیس حدودی‌گه اوتگن جنگری طالب‌لرنی نابود قیلیش اوچون ولایت نینگ بالامرغاب و جوند ولسوال‌لیک‌لریده قوشمه حربی تازه‌لش عملیات باشلنگن لیگی‌دن خبر بیرگن.
