بوگون «دوشنبه» کابل‌ده جنوبی کوریا ایلچی‌خانه‌سی و بیرلشگن ملت‌لر تشکیلاتی‌نینگ ایکینچیلیک و ییگولیک آذیق-آوقت تشکیلاتی آره‌سیده بیر میلیون دالرلیک یاردم شرطنامه گه قول قوییلدی.
افغانستان بویچه بیرلشگن ملت‌لر تشکیلاتی‌نینگ ایکینچیلیک و ییگولیک آذیق-آوقت تشکیلاتی باشلیغی‌نینگ اوشبو شرطنامه امضا ایتیلیش جریانیده ایتیشیچه، افغانستان یشاوچی‌لری قورغاقچیلیک‌دن کوپینچه زیان کورگن.
افغانستان بویچه بیرلشگن ملت‌لر تشکیلاتی‌نینگ ایکینچیلیک و ییگولیک آذیق-آوقت تشکیلاتی باشلیغی راجندرا آریال نینگ ایتیشیچه، کوریا تامانیدن یاردم بیریلگن بیر میلیون دالر بادغیس و غور ولایتیده قورغاقچیلیک‌دن زیان کورگن‌لرگه اختصاص بیریلگن.
.jpg)
افغانستان بویجه کوریا ایلچیخانه‌سی‌نینگ قنسولی پارک‌جی چون نینگ ایتیشیچه، کوریا کم‌بغل‌لیک و اوروش‌دن کورگن تجربه‌لرینی افغانستان بیلن شریک قیلیش‌نی ایسته‌یدی.
عین‌حالده، دولت‌نینگ طبیعی واقعه‌لرگه قرشی کوره‌ش وزیرلیگی سوزلاوچیسی احمدتمیم عظیمی‌نینگ ایتیشیچه، اوشبو اداره 69 میلیون افغانی‌نی طبیعی واقعه‌لردن زیان کورگن‌لر اوچون اختصاص بیرگن.
طبیعی واقعه‌لرگه قرشی کوره‌ش اداره ارقامی‌گه کوره، جاری ییل حمل آیدن حاضرگه‌قدر کمیده 60 مینگ کیشی طبیعی واقعه‌لر و قورغاقچیلیک‌دن زیان کورگن.
