شوسونگی کونلرده جمهور رییس بیرینچی اورین باسری جنرال عبدالرشید دوستم و بلخ ولایت سرپرستی عطامحمد نور اورته‌سیده اولکه شمال ولایت‌لریده‌گی موجود جنگری طالب‌لرگه قرشی کوره‌شیش بیرلیگی قوریلگن‌لیگی ایتیلماقده.
یوزه‌گه کیلگن بیرلیکدن هدف شمالی ولایتلردهگی طالب‌لرنینگ مذکور ولایت‌لردن سوریب چیقاریش ایتیله‌دی.
کینگش نماینده‌لریدن بیری و جنرال دوستم نینگ یقین آدمی داکترعنایت‌الله بابر فرهمندنینگ سلام‌وطندارگه ایتیشیچه، جناب دوستم جمهور رییس بیلن اویغورلیک‌ده، ملی امنیت کینگشی نینگ فوق‌العاده اولتیریشیدن کیین ملی اردو، پولیس و ملی امنیت بیرلیگیده بیر نظامی یوقاری رتبه‌لیک هیأت باشلیغی بولیب اولکه شمالیده بارگن.
جناب فرهمندنینگ ایتیشیچه، بوسفردن هدف، اولکه شمالی اینیقسه فاریاب ولایتیده یوکسک پاکلش عملیات اویوشتیریلشی بولگن.
علمیات کیله‌سی ایکی کونگچه اویوشتیریلیشی کوزه‌تیلگن. اویوشتیریله‌دیگن عملیاتده اردو، پولیس و ملی امنیت ییریک رسمیلری‌نینگ حضور کیلتیریشی ایتیله‌دی.
جناب فرهمندگه کوره، جنرال دوستم فاریاب، جوزجان و سرپل ولایتلردهگی دولتگه قرشی کوره شیب تورگن گروه‌لرگه فرصت بیرگن تا تینچلیک پروسه سیگه قوشیلسینلر، اونینگ بیلدیریشیچه، بو فرصتنی قبول قیلمه گن کیشیلر بیلن جدی کیلیشیله‌دی.
بیراق جنرال عبدالرشید دوستم بیلن عطامحمد نور ارا جنگریلرگه قرشی یوزگه کیلگن بیرلیکلری ملیشه توزه‌تیش دیگن سوزلر چیقیشی بیلن کوپلب قرشیلیک‌لر تاپیلگن، اما بوسوزلرنی جنرال دوستم رد قیله‌دی.
اردو آلدینگی دگرواللریدن عبدالغفار گردیزیگه کوره، مذکور عملیاتلر ملیشه توزه‌تیش اوچون بولسه، کیله‌جکده کوپلب قرمه قرشیلیک‌لر بیلن روپه‌ره بولیشی ممکن.
بیراق جناب گردیزیگه کوره، شمال عملیاتی امنیتی نهادلر اویغورلیگیده بولگن صورتده ایجابی نتیجه بیلن بولیشی ممکن.
اونگه کوره، شوحاضر جنگریلر قمراویگه قالگن اولکه ایریم محله‌سینی قیته قولده کیریتیش اوچون اهالی‌نینگ هم امنیتی کوچلرگه یاردم بیریشی و عصیانچیلرگه قرشی توریشلری ضرور بولگن.
بوشوپیتده بوله‌دی کیم اوتگن کون فاریاب ولایتی المار تومنی‌نینگ بازاریده بیرخودکش هجوم اویوشتیریلیشی بیلن 19 کیشی هلاک و باشقه 31 کیشی یره‌لنگن ایدی.
فاریاب پولیس سوزلاوچیسی سیدمسعود یعقوبی نینگ ایتیشیچه، خودکش هجومچی شخص المار تومنی نینگ میرشادی قیشلاقی یشاوچیسی ایکن و امنیتی کوچلر کاروانی‌نی هجوم هدفی‌گه آلگن ایکن.
شوسونگی کونلرده ایچکی ایشلر وزیرلیگی جنوبی ولایتلردهگی جنگریلرنی نابود ایتیشلری سبب جنگریلراولکه شمال ولایتلری قاچیب باریشی بیلن شمالی ولایت‌لرناتینچ بولگن دیگن ایدی.
