جنرال عبدالرشید دوستم، افغانستان جمهور رییسی‌لیگی‌نینگ بیرینچی اورین باسرلیگی کرسی‌سی گه اوتیرگنیدن سونگ اوچینچی مرته افغانستان‌نینگ شمال ولایتی‌لری‌گه باریب طالبلرگه قرشی اوتکزیله دیگن حربی عملیاتلرنی بی واسطه باشقره‌دی.
او بیرینچی بار اوتگن ییل‌نینگ یازی‌ده شمالی فاریاب ولایتی‌نینگ بیر قطار ستراتیژیک منطقه‌لری جمله‌دن المار و قیصار تومنلری گه قره‌شلی قطار حدود‌لری دولت‌گه قرشی جنگ قیله دیگن قوراللی گروه‌لر اشغالی‌گه اوتگنی‌ده مذکور ولایت‌گه باریب طالبلرگه قرشی اوتکزیلگن حربی عملیاتلرنی رهبرلیک قیلگن ایدی.
شونینگ‌دیک بوندن بیر نیچه آی آلدین هم دوستم جوزجان ولایتی‌نینگ قرقین و خم آب تومنلری‌نی جنگری‌لردن تازه‌لش عملیات‌لریده قتنشگن ایدی. جنرال دوستم ایندی (اوچینچی مرته) جوزجان و فاریاب ولایت‌لری‌گه باریب او ییرلرده جنگری‌لرگه قرشی باشله‌تیلگن حربی عملیاتلرنی بی واسطه رهبرلیک ایتیب کیلماقده.
اوتگن بیش کون دوامیده دوستم رهبرلیگی‌ده جوزجان و فاریاب‌ده یوز بیرگن عملیات‌لر نتیجه‌سی‌ده قطار منطقه‌لر جمله‌دن جوزجان‌نینگ قوش تیپه و درزاب تومنلری همده فاریاب ولایتی‌گه قره‌شلی جمعه بازار (خواجه سبز پوش) همده پشتونکوت تومن‌لری‌نینگ ایریم حدودی‌لری جنگری‌لردن تازه‌لنگن. اونلب کیشی قوراللی طالب‌لر دولت‌گه تسلیم بولگن‌لر.
موجود وضعیت‌ده افغانستان دولتی‌نینگ ایکینچی مقامی یعنی جمهور رییس بیرینچی اورین باسری‌نینگ شمال ولایتلریده اوتکزیله دیگن حربی عملیاتلرنی باشقریش لیک‌که قنچه احتیاج بار؟
.jpg)
معلوم‌که جنرال دوستم شخصیتی اوروش‌لر گرابیده شکللنگن. جنرال دوستم اوتگن اوتیز ییل دوامیده مملکت‌ده یوز بیرگن توقنه‌شوولرده مهم رول اوینب، افغانستان و دنیاده تنیلدی. او افغانستان جنگ‌لری‌ده کته تجربه‌گه ایگه. دوستم جنگ‌لرده قتنه‌شیب حربی عملیاتلرنی باشقریش‌نی یاقتیره‌دی. ایکینچی‌دن دوستم نینگ حضوری جنگ جبهه‌لری ده اینیقسه شمال ولایتلریده دولت کوچلری‌گه کته مورال بغیشله‌یدی و دولت مخالفلری روحیاتی‌نی ضعیفلشتیره‌دی.
حاضرگی کونده افغانستان دولتی رهبریتی بو نرسه‌نی یخشی انگلب آلگن. دیمک شمال‌ده اوتکزیله دیگن حربی عملیات‌لر مؤفقیتی‌نی جنرال دوستیم اشتراکی‌سیز کم دن کم تصور ایتیش ممکن. دنیاده مملکت‌لرنینگ بیرینچی و ایکینچی شخص‌لری جنگ جبهه‌لری‌ده کم دن اشتراک ایته‌دیلر. بو نرسه جنرال عبدالرشید دوستم اوچون استثنا بیر حال سنه‌له‌دی.
شو کیچه کونلرده افغانستان شمال ولایتلریده اوتکزیله دیگن حربی عملیات‌لر ینگی ییل‌ده مملکت خوف‌سیزلیگی‌نی تامینلش اوچون اوته ضرور سنه‌له‌دی. چون که هوا ایسشی بیلن دولت‌گه قرشی جنگ قیله دیگن قوراللی گروه‌لر مملکت بویلب اوز حربی هجوم‌لری‌نی تیز لشتیریش‌لری هیچ کیم گه سر ایمس البته.
اوتکن ییلی اوروش‌لرنی شمال‌ده کوچه ییشی مذکور ولایت‌لر اهالیسی قاله بیرسه اورته آسیا دولت‌لری همده رسمی کابل تشویشی‌گه سبب بولگن ایدی. قیش موسمی‌ده هم شمال‌ده جنگ‌لر تینمه‌گنی‌نی نظر گه آلگودیک بولسک، یازده اوشبو ولایتلرده قتیق آتیشمه‌لر یوز بیریشی احتمال‌دن اوزاق ایمس.
جنرال دوستم رهبرلیگی‌ده فاریاب و جوزجان ولایتلریده اوتکزیله دیگن حربی عملیات‌لر در واقع اوشبو ولایتلرده دولت مرکز‌لری نی جنگری‌لر قولی‌گه اوتمس‌لیگی اوچون عملی چاره حسابلنه‌دی. سونگی آی‌لرده فاریاب ولایتی‌نینگ ایریم منطقه‌لری دولت مخالفلری قولی‌گه اوتگن ایدی. مذکور ولایت مرکزی هیچ بیر زمان بوکونگی دیک طالب‌لر تهدیدی گه روپه ره بولمه‌گن ایدی.
.jpg)
اندخوی ـ میمنه آره لیغی‌ده جایلشگن کته ترانسپورت قتناو یولی خوف‌سیزلیگی سونگی چاغ‌لرده اوته یامانلشگن. اوتگن بیر نیچه هفته دوامیده جنگری‌لر اوشبو یولده یولاوچی‌لر موترلری‌نی توخته‌تیب قطار یولاوچی‌لرنی اسیر آلیب اولردن ایریم‌لری نی هلاک ایتگن‌لر. شونینگ‌دیک بیر نیچه مرتبه برق نینگ لین‌لری دولت مخالفلری تامانی‌دن کیسیلگن. فاریاب‌ده باشله تیلگن حربی عملیاتلرنی ینه بیر نیچه مدت دوام ایتیشی‌گه جدی احتیاج سیزیله‌دی.
یقینده افغانستان ملی کینگشی مصلحت چیسی حنیف اتمر دولت کوچلرینی یقین کونلر ایچیده مدافعه حالتی‌دن چیقریلیشی‌نی تاکیدله‌گن ایدی. چون که دولت خوف‌سیزلیک کوچلرینی مدافعه وضعیتی‌ده قالیب کیتیشی دولت مخالفلری روحیاتی‌نی کوچه یتیره‌دی و ینه بیر قنچه منطقه‌لرنی اولر اشغالی‌گه اوتیشی‌گه آلیب کیله‌دی.
شمال‌ده فاریاب و جوزجان‌ده اوتکزیلگن حربی عملیات‌لر کبی کینگ قمراولی حربی عملیات‌لری قندوز و بغلان‌ده هم اوتکزیلیشی‌گه احتیاج سیزیله‌دی. در واقع مذکور عملیاتلرنی بیر نیچه هفته دوام ایتیشی یاز آی‌لری‌ده شمال‌نی احتمالی تهلکه‌دن قوتیلیشی‌گه سبب بوله‌دی.
سونگی تورت کون دوامیده جوزجان و فاریاب‌ده جنرال دوستم رهبرلیگی‌ده اوتکزیلگن حربی عملیات‌لر جریانیده قطار منطقه‌لر آزاد ایتیلیشی‌نینگ اهمیتی مذکور حدودلر خوف‌سیزلیگی‌نی کیله‌جکده تامینله‌نیشی و قیته جنگری‌لر اشغالی گه اوتمس لیگی بیلن باغلیق.
عکس حال‌ده بو قبیل عملیات‌لر حربی امکان‌لر و کته مبلغ‌لرنی بیهوده صرفلش‌دن بولک نرسه بولمه‌یدی. دولت اوشبو منطقه‌لر خوف‌سیزلیگی نی توله توکیس اسره‌ش اوچون محلی پولیس‌نی کوچه یتیریشی ضرور لیگی و اولرگه اوز وقتیده کیره‌کلی حربی و لوژستیک یاردم‌لر ییتکزیب توریشی ضرورتی اوستی‌ده تاکیدلنه‌دی.
