.jpeg)
جمهور رییس‌نینگ بیرینچی اورین باسری جنرال دوستم بوگون (سه‌شنبه) حربی کوچلر بیلن شبرغان باردی. جنرال دوستم‌نی ولایت‌نینگ قوش‌تپه و آقچه تومن‌لریده قورال‌لی طالب‌لرنی نابود قیلیش اوچون کته عملیات اوتکزیشی کوتیله‌دی.
جناب دوستم بو مرته معین برنامه اساسی‌ده جوزجان‌گه بارگن لیگی‌نی ایتگن. شونینگ‌دیک جنرال، قورال‌لی طالب‌لرنی نابود قیلیش اوچون تدبیرلی لایحه نظرده توتیلگن دیگن. اونینگ ایتیشچیه، جنگری طالب‌لر نابود ایتیلیشی اوچون حکومت کته مقدارده حربی قوشین‌لرنی اختیاریگه قویگن. عملیات‌لرده ملی کوچلر بار امکانیت‌لریدن فایده‌له‌نیش‌لری ایتیله‌دی.
جناب دوستم، قورال‌لی طالب‌لرنینگ حربی شیوه‌سی اوزگرگن‌لیگی‌نی بیلدیرگن. طالب‌لر تینچ اهالی‌نی قربان ایتیش بیلن خلق‌نی ترتیب‌سیزلیک و نابرقرارلیک‌که دوچار قیله‌دی دیدی جنرال.
.jpg)
مملکت شمالی‌ده گی اوروش‌لر
قندوز: حکومت ملی کوچلری تامانیدن ییر و هوادن اوتکزیلگن تازه‌لش عملیات نتیجه‌سی‌ده بو ولایت‌ده دولت قورال‌لی مخالف‌لری‌نینگ 11 ته‌سی اولدیریلگن و 5 ته‌سی ایسه تن جراحتی آلگن. مملکت شمالی‌ده‌گی 209- شاهین قول اردوسی بیر بیانات ترقه‌تیب، مذکور کیشی‌لر اوتگن 24 ساعت ایچی‌ده دشت ارچی‌نینگ پل مومن و امام صاحب‌نینگ جوی بیگم منطقه‌لریده یره‌لنگن‌لیک لری یازیلگن.
جوزجان: جوزجان پولیس قوماندانی رحمت الله ترکستانی‌نینگ تیلفون آرقه‌لی باغله‌نیب سلام‌وطندارگه ایتیشچه، طالب‌لرنینگ تانیلگن قوماندانلریدن ملا سلام اوتگن کون ییتی نفری بیلن هوا دن بیریلگن ضربه عاقبتی‌ده اولدیریلگن. جناب ترکستانی، اوشبو هجوم‌ده جنگری طالب‌لرنینگ باشقه بیر قوماندانی ملااشرف هم تورت کیشی‌سی بیلن نابود ایتیگلن دیگن.
گزارش‌لرده کیلیشیچه، اخیرگی کون‌لرده آقچه و قوش‌تپه تومن‌لریده‌گی توقنشولرده عصیانچی طالب‌لرنینگ 75ته‌سی اولدیریلگن و 70سی ایسه جراحت آلگن.
