.jpg)
جنرال دوستم‌نینگ طرفدارلری بیر خبری ییغینده، جنرال دوستم‌نینگ صورت‌لری اوزیلیشی‌گه بلخ ولایتی بوییچه جمعیت حزبی‌نینگ سوزلاوچیسی ذبیح‌الله فطرت عیب‌دار دیگن‌لر. جنبش یاشلری مرکزی کینگشی مسؤولی کنشکا ترکستانی‌نینگ ایتیشیچه، قولگه کیریتگن حجت‌لری اساسیده، جناب فطرت ینگی ییل بیرینچی کیچه‌سیده کامگار چهار راهی‌سیده باریب بویروغی‌ده‌گی کیشی‌لردن جنرال دوستم‌نینگ صورت‌لرینی توشیریب و اورنی‌ده داکتر عبدالله‌نینگ صورتی‌نی ایلیشی‌نی سوره‌گن.
شونینگ‌دیک، جناب ترکستانی‌نینگ ادعا قیلیشیچه، ذبیح‌الله فطرت بیلن تلیفون علاقه قوریب جنرال دوستم‌نینگ صورت‌لرینی توشیرمس‌لیگی خصوصیده اونی آگاه‌لنتیرگن، بیراق جناب فطرت، بو توغریده بی فرق یانده‌شگن.
عین حالده، بلخ ولایتیده نور تبلیغاتی شرکتی‌نینگ مسؤولی محمد فیروز ناملی کیشی‌نینگ ادعا قیلیشیچه، جمهورلیک ریاستی بیرینچی اورین باسری‌نینگ صورت‌لرینی ایله‌دیگن چاغیده، ذبیح‌الله فطرت‌نینگ اوزی اونگه قونغیراق قیلیب، جنرال دوستم‌نینگ صورت‌لرینی اِیلگن صورتده، اولدیریلیشی‌گه تهدیدقیلگن.
.jpg)
بیراق، بلخ ولایتی‌نینگ سوزلاوچیسی منیر فرهاد، جنبش یاشلری مرکزی کینگش مسؤولی‌نینگ ادعالرینی رد قیلیب ایتیشیچه، مزارشریف شهری‌نینگ برچه خیابانلریده جنرال دوستم‌نینگ صورت‌لری اِیلینگن و بلخ ولایتی‌نینگ وقتینچه‌لیک باشلیغی‌نی یقین آدم‌لری بونده‌ی بیر ایش‌گه قول اوروشی منطق‌دن اوزاق دیگن.
ایتیش لازم، بوگون مملکت شمالی ولایت‌لری جمله‌دن تخار، سرپل و فاریاب ولایت‌لریده جنرال دوستم‌دن حمایت قیلینیب کینگ ناراضیلیک نمایش‌لر یولگه قوییلگن. ناراضچی‌لر، جنرال دوستم‌نینگ صورت‌لرینی قوللریگه کوتریب، مرکزی حکومت‌دن جنرال دوستم‌گه حرمت‌سیزلیک قیلگن کیشی‌لرنی تیزلیک‌ده قولگه آلیب و قانون‌گه تاپشیریشینی سوره‌گن‌لر.
جنبش حزبی‌گه طرفدار تخار ولایتی کینگشی‌نینگ اورین باسری مولوی حسین حنیف و قومندانلریدن بیری خیرمحمد تیمور، تخار ولایتی‌ده‌گی ناراضچی‌لر ایچیده حضور کیلتیریب ایتیشیچه، جنرال دوستم‌نینگ صورتی‌گه بولگن حرمت‌سیزلیک مسئله‌سی حل بولمه‌ی و عامل‌لری جزالنمه‌گن صورتده، اولر ناراضیلیک‌دن قول تارتمه‌یدی.
عین حالده، مملکت شمال ایریم منطقه‌لریده عطامحمد نورنینگ طرفدارلری، ناراضیلیک نمایش‌گه قول اوریب و بلخ ولایتی‌نینگ وقتینچه‌لیک باشلیغی‌دن حمایت بیلدیرگن‌لر.
