چین جمهور رییسی‌نینگ اورین باسری بوگون ایرتلب کابل کیلدی.
مملکت جمهور رییسی محمداشرف‌غنی، چین سیاستی، منطقه سیاسی امنیتی و بو مملکت افغانستان‌ده تینچلیک و امنیتی تامین ایتیلیش عاملی دیگن.
جناب غنی بوگون (سه‌شنبه) چین جمهور رییسی‌نینگ اورین باسری یوان چاو اشتراکیده افغانستان – چین دوستلیگی‌نینگ آلتمیش ییل‌لیگی مناسبتی بیلن اوتکزیلگن ییغین‌ده سوزگه چیقیب، مملکت تینچلیک لایحه‌سی اوچون چین همکارلیگی باره‌سیده تاکیدلب، مذکور مملکت‌نی افغانستان‌نی اوزاق مدتلی دوستی دیگن.
لی یوان چاو بوگون ایرتلب بلند مرتبه‌لی بیر هیات بیلن کابل کیلدی.
افغانستان و منطقه‌ده ترورچی‌لرگه قرشی کوره‌شیش اوچون چین‌نینگ مهم رولی بارلیگی حقیده تاکیدله‌گن جمهور رییس‌غنی افغانستانده‌گی حاضرگی اوروش منطقه و دنیا اوروشی دیب، چین و باشقه دولت‌لردن ترورچی‌لیکی‌که قرشی کوره‌شیش اوچون افغانستان‌گه همکارلیک قیلیش‌لری باره‌سیده تاکیدله‌گن. جناب غنی‌گه کوره، افغاستان دستلب چین همکارلیگی بیلن منطقه و پاکستان بیلن یره‌شیش سونگ منطقه امنیتی اوستیده ایش قیلش لازم دیگن.
باشقه تاماندن چین جمهور رییسی‌نینگ اورین باسری مملکتی‌نینگ افغاستان‌گه بولگن کومک‌لری باره‌سیده تاکیدلب، چین دولتی ترورچی‌لیککه قرشی کوره‌شیش همده تینچلیک مذاکره‌گه همکارلیک قیلیشی‌نی بیلدیرگن.
جناب لی یوان چاو، یقین کیله‌جکده شانگهای تشکیلاتی‌نینگ ییغین‌ده حکومت اجراییه باشلیغی عبدالله عبدالله اشتراک قیلیشی توغریسیده تاکیدلب، مذکور ییغین‌ده ایکی مملکت علاقهسی همده تورلی بولیم‌لر اوستیده بحث ایتیلیشی ممکن دیگن.
افغانستان و طالب‌لر ارا تینچلیک مذاکره‌لرنینگ بیرینچی دوری اسلام آبادده امریکه، چین و پاکستان حکومت‌لری نماینده‌لری اشتراکیده مذاکره نتیجه‌سی باشی بیریک کوچه‌ده ایلنیب قالگن بیر چاغده افغاستان تینچلیک مذاکره‌لریگه همکارلیک قیلیشی‌نی ایتگن.
اقتصادی همکارلیک‌لر اوچون اوچ کیلیشو امضالندی
شونینگ‌دیک چین جمهور رییسی اورین باسری مذکور سفرده اوچ کیلیشو جمله‌دن کابل شهریگه کیریله‌دیگن عمومی ایشیک‌لرده تینتاو قیلووچی دستگاه نصب ایتیش، عالی تحصیلات و آست‌قورمه لایحه‌لردن عبارت.
کابل‌نینگ تورت عمومی کیریش ایشیک‌لریده تینتاوقیلوچی دستگاه‌لر قوریلیشی اوشبو شهرده امنیت اوچون ایجابی تاثیر بار دیگن جمهور رییس غنی، مذکور عمومی ایشیک‌لردن کابل‌گه کیره دیگن موترلر مذکور دستگاه‌لر و ملی کوچلر تامانیدن تیکشیریله‌دی.
ایکی مملکت اورته‌سیده امضالنگن ایکینچی کیلیشو 500میلیون ین/ 79 میلیون امریکه دالری صرفله‌نیشی بیلن او مملکت افغانستان‌ده 10 آپارتمان قوریب بیره‌دی. جمهور رییس غنی‌گه کوره، مذکور یشش بنالر بیرینچی‌دن قربان بولگن ملی کوچلر خانه‌دانیگه سونگ دولت مامورلریگه ترقه‌تیله‌دی.
شونینگ‌دیک اوچینچی شرطنامه اساسیده چین دولتی عالی تحصیلات بولیمی‌گه همکارلیک قیله‌دی چین آلدینگی بورسیه‌لری یانیده باشقه افغانستان‌لیک محصللر اوچون باشقه 50 بورسیه‌نی هم نظرده توتگن.
عین حالده چین جمهور رییسی اورین باسری مملکتی‌نینگ افغانستان اقتصادی ساحه‌سیگه بولگن همکارلیگی‌گه دوام ایته‌دی دیگن.
جناب لی یوان چاونینگ سوزلریگه کوره، افغانستان و چین تاریخی علاقه‌گه ایگه و ایپک یولی ایکی مملکت ینگی علاقهسی اوچون مستحکم بیر آدیم سنله‌دی.
چین بوندن آلدین 180 میلیون دالرنی حربی بولیم و بیر میلیون دالرنی ایسه سونگی وقت‌لرده افغانستان‌ده ییر قیمیرلش عاقبتی‌ده زیان کورگنلرگه یاردم کورستگن.
