.jpg)
افغانستان جمهور رییسی محمد اشرف غنی بیرلشگن ملتلر تشکیلاتی نینگ تحریم کمیته‌سیدن جنگری طالبلرنینگ رهبری ملاهیبت‌الله‌نینگ اسمی بو تشکیلات نینگ قاره رویخطی‌گه آلینیشینی سوره‌گن.
جمهور رییس غنی اوتگن کون کابل‌ده بو تشکیلات هیاتی بیلن قیلگن ملاقاتیده، افغانستان‌ده جرمی اقتصاد خلق ارا مذاکره آرقه‌لی ایلدیزدن یوق ایتلیشی اوستیده تاکید ایتگن. فقط منه شو روش بیلن طالبلرنینگ مالی منبعی توسیله‌دی دیگن جناب غنی.
جمهور رییسلیک سرایی تامانیدن نشر بولگن خبرنامه ده، اوشبو هیات نینگ باشلیغی جناب بوهمین غنی بیلن قیلگن صحبتده اسلامی حزب بیلن اوتکزیلگن یره‌ش توغریسیده فکرینی سوره‌گن.
افغانستان‌ده‌گی قوراللی طالبلرنینگ ایکینچی مالی منبعی مملکتده‌گی کانللردن قولگه کیله دیگن درآمد حسابیگه تامین لنه‌دی دیگن جناب غنی.
جمهور رییس غنی‌گه اساسلب یازیلگن مذکور خبرنامه‌ده، حاضرگی کونده افغانستان بویلب 30 ترورچی گروه فعالیت قیله‌دی و بولرنینگ هر بیر افغانستان جدی تهدید دییلگن.
مذکور ییغینده اشتراک قیلگن جمهور رییس غنی تروروچیلرنی حمایت قیله دیگن دولتلر بیلن آچیق موقف نظرده توتیلیشی کیره‌ک لیگی اوستیده علیحده تاکید قیلگن.
شونینگدیک جمهور رییس غنی بیرلشگن ملتلر تشکیلاتی نینگ اوشبو هیاتی‌دن افغانستانلیک یاشلر، عیاللر و مدنی فعاللر بیلن اوچره‌شیشنی سوره‌گن.
