افغانستان جمهور رییس‌لیک سرایی‌نینگ ترقتگن بیاناتی‌ده، مملکت رهبری جمهور رییس غنی ایکّی کونلیک رسمی تشریف بیلن قطرگه باریشی قید ایتیگن.
جمهور رییس مذکور سفرده، قطر امیری اعلیحضرت شیخ تمیم بن حمدال ثانی بیلن اوچره‌شیب ملاقات قیلیشی کوتیله‌دی .
جمهور رییس غنی سوزلاوچی‌سی نینگ اورین باسری دواخان مینه‌پال نینگ سلام‌وطندارگه بیلدیریشیچه، جمهور رییس غنی دوحه‌ده اوتکزیلیشی ریجه لنتیریلگن خلق ارا " همه اوچون برقرارلیک و رونق" ناملی ییغین‌ده اشتراک قیلیب نطق سوزله‌شی مول‌جللنگن.
سوزلاوچی‌گه کوره، جمهور رییس‌غنی قطر سفریده اعلیحضرت شیخ تمیم ینه او مملکت باش وزیری بیلن اوچره‌شیب ملاقات قیلیه‌دی.
شونینگ‌دیک دواخان مینه‌پال، جمهور رییس‌غنی قطرده‌گی افغانستانلیک تاجرلر بیلن اوچره‌شیشی هم کون ترتیبی‌گه آلگن دیگن.
سوزلاوچی‌نینگ تاکیدله‌شیچه، جمهور رییس محمداشرف غنی، دوشنبه کون (23 می) ایران نینگ چابهار بندری آچیلیشی‌گه عاید تشکللشتیریلگن ییغین‌ده اشتراک قیلیش اوچون او مملکت‌گه هم سفر قیله‌دی.
