.jpg)
جمهور رییس غنی نینگ تک‌رولیککه عیبلب اعتراض بیلدیرگن مینگلب جوزجانلیک، جمهور رییس غنی نی انحصارگرلیککه پایان بیریشی باره‌سیده آگاهلنتیریلگنلر. بولر، غنی جنرال دوستم‌گه بیرگن وعده‌سیگه عمل قیلسین دیگن. بولمه‌گن‌ده « قوراللنیب بیل باغله‌یمیز» دیگن نمایشچیلر.
شبرغان شهری‌نینگ پارک بخدی منطقه‌سیده اوتکزیلگن ییغین اعتراضچیلری، جمهور رییس غنی انحصارلیککه یکون یسهم‌گن تقدیرده، شمالی ولایتلر مینگلب خلقی نینگ عکس العملی‌گه روپه‌ره بوله‌دی دیگنلر.
جمهور رییس بیرینچی اورین باسرلیگی نینگ مطبوعات باشلیغی داکتر عنایت‌الله بابر فرهمنده ییغین‌ده چیقیش قیلگن. او، حاضرگی اعتراضیمیز تینچ یول بیلن دوام ایته‌دی، بو توغریده جمهور رییس ایجابی جواب بیرمه‌گن حالده، بو حرکت بوتون شمالی ولایتلر یولگه قوییله‌دی دیگن.
.jpg)
اعتراضچیلر، حکومت بیرینچی اورین باسرنینگ صلاحیتلرینی چیکلب وعده‌لرگه عمل قیلمه‌گن دیگنلر.
جوزجان ولایتیده جنبش یاشلر کینگشی نینگ باشلیغی قدرت‌الله وطن: « حکومتنی بیز قوردیک و ایسته‌سک قوله‌ته‌میز» دیگن. حکومت قومگرالیک همده فسادنی ایلدیزدن یوق ایتیب سلیقه‌وی یانده‌شیشلرگه پایان بیرسین دیگن او.
شونینگدیک ییغین‌ده سوزله‌گن جوزجان ولایت کینگشی نینگ باشلیغی مولوی عبدالحی حیات، هلی افراطگرلیک و انحصار طلبلیک زمانی اوتگنی باره‌سیده اورغوله‌گن.
