مملکت جمهور رییسی‌نینگ ایتیشیچه، افغانستان دنیاده‌گی‌لرگه آمان قالیش سیناوی‌ده یوتوققه ایریشگنینی کورستگن.
جمهور رییس غنی بوگون (پنج‌شنبه) قربان هییت مناسبتی‌ده سوزگه چیقگن چاغیده ایتیشیچه، افغانستان خلقی تینچ‌لیک ایسته‌یدی و مملکت‌ده اوروشنی تحمیل قیلگن‌لر باشقه بیرقطارلرنینگ مقصدی اوچون وسیله بولگن.
جناب غنی‌نینگ کوپه‌یتیریشیچه، اوروش بهاسینی مملکت یشاوچیلری توللگن. او، ایش بیلرمانلر، یازووچیلر و خبرچیلردن اوروش قنقه‌لیگینی خلق‌گه توشینتیریشلرینی سوره‌دی. اونگه کوره، مملکت یشاوچیلری اوروش قنقه‌لیگی و بو اوروشنی کیم‌لر بیزگه تحمیل قیلگن‌لری توغری‌سیده آگاه بولیش‌لری کیره‌ک.
جناب غنی‌گه کوره، افغانستان منطقه‌یی همکارلیک‌لرگه ایگلری بولگن و دنیا بیلن یخشی علاقه‌ده بولیشنی ایسته‌یدی.
جمهور رییس‌نینگ، جاری ییل قیین‌چیلیک‌لری توغری‌سیده ایتیشیچه، ملی بیرلیک حکومتی‌نینگ اساسی ایشلری، اوشبو قیین‌چیلیک‌لرنی بیر آز حل ایتکن.
شونینگ‌دیک جناب غنی، افغانستان هیأتی‌نینگ ترکمنستان‌ده‌گی سفری‌نی یوتوقلی بیلیب ایتیشیچه، اوشبو سفر یوتوقلری مملکت یشاوچیلری‌نینگ کوپینچه قیین‌چیلیک‌لرینی حل ایتکن.
انچه پیت آلدین، افغانستان هیأتی اقتصادی همکارلیک‌لر خصوصیده ترکمنستان سفر قیلگن ایدی و بو سفرده مذکور مملکت رسمی‌لری بیلن اوچره‌شیب اقتصادی ترانزیت و سوداگرلیک توغری‌سیده 11 کیلیشووگه قول قویگن‌لر.
ایتیلیشیچه، ترکمنستان‌دن افغانستان‌گه برق اوتکزیش موضوعی، لاجورد دهلیزی، ترکمنستان گازی‌نی افغانستان تامانیدن پاکستان و هندگه اوتکزیش لایحه (تاپی) ایشی باشله‌نیشی و افغانستان‌گه ترکمنستان تیمیر یول لایحه‌سی اوتکزیلیش موضوع‌لری اوشبو سفرده بحث‌گه آلینگن.
جمهور رییس غنی‌گه کوره، جاری ییل قالگن ایکی موسومی (کوز و قیش‌ده) اقتصادی لایحه‌لرگه کوپراق دقت قیله‌دی. اونینگ کوپه‌یتیریشیچه، تیزلیک‌ده ترکمنستان‌دن گاز لوله‌سی هندگه انتقال بیریش لایحه‌سی (تاپی) باشلنه‌دی.
تاپی پروژه‌سی میلادی 2010- ییل ترکمنستان باشکینتی عشق آبادده، افغانستان، هندوستان، پاکستان و میزبان مملکت اورته‌سیده گازلوله ایجاد ایتیلیشی خصوصیده امضالنگن؛ اوشبو لوله ترکمنستان‌دن باشله‌نیب و هندده یکونلنه‌دی.
اوتتیز ییل دوامیده اوشبو لایحه عمل‌گه آشگن صورتده، ییلده 33 میلیارد متر مکعب گاز، پاکستان و هندگه صادر بولیشی ممکن. افغانستان سهمیه‌سی اوشبو صادرات‌ده، کون‌ده 14 میلیون متر مکعب گازگه ییتیشه‌دی.
