جمهور رییس غنی بوگون کابل‌ده مارشال فهیم حربی بیلیم یورتی‌ده ملی اردونینگ منصب‌دارلری فراغت مراسمی‌ده قتنشدی. غنی اوز قیلگن چیقیشی‌ده اهالی‌نینگ ایشانچی، امنیتی کوچ‌لر اوچون ییریک سرمایه‌دیر دیگن.
جمهور رییس‌غنی‌نینگ سوزلریگه کوره، امنیتی کوچلرگه نسبتن اهالی‌نینگ ایشانچ بولمس‌لیگی، مملکت‌ده تینچ‌لیک و برقرارلیک‌نی تامین‌لش ممکن ایمس.
جناب‌غنی ملت، ملی اردو و دولت «معادله ارتباط» تشکیل ایتووچی کوچ بولگن لیک‌لریگه ایشانه‌دی، اونگه کوره امنیتی کوچ‌لر اهالی ایچی‌دن وجودگه کیلگن، بو قتلم اهالی‌گه علاقه‌دار بولیشی کیره‌ک.
اشرف‌غنی ملی اردو شامل برچه امنیتی اداره‌لرنینگ ییریک سرمایه‌سی اهالی‌نینگ ایشانچی‌گه استوار دیگن. « امنیتی کوچلرگه اهالی‌نینگ ایشانچی بولمه‌گنده مملکت‌گه امنیت کیلمیدی»
باشقه تاماندن جمهور ریس‌غنی‌نینگ ایتیشیچه، نا برقرارلیک و اوروش افغانستان‌گه تحمیل ایتیلگن؛ اما هیچ کیمسه افغانستان‌نی اوروش میدانی‌گه ایلنتیره آلمس‌لیگی خصوصی‌سی‌ده تاکیدله‌گن.
جمهور رییس‌غنی اوز سوزلری دوامی‌ده جرمی اقتصاد هم افغانستان‌گه تحمیل ایتیلگن‌لیگی‌نی ایتگن. شونینگ‌دیک غنی مخدر ماده‌لر افغانستان نا برقرارلیگی اوچون اولکن رول اوینگن‌لیگی‌گه اشاره قیلیشگن.
ییغین‌ده اشتراک قیلگن افغانستان ملی مدافعه وزیرلیگی‌نینگ سرپرستی عنایت الله نظری، ینگی‌دن اوشبو حربی بیلیم یورت‌نی بیتیرگن منصب‌دارلردن هر قنده‌ی تعصب‌دن ییراق‌ده بولیب، ملی اردو شعاری آستی‌ده اهالی‌گه خذمت قیلیشلرینی بیلدیردی.
افغانستان‌لیک‌لر هم ملی اردو کوچ‌لری‌نینگ قابلیت‌لریدن راضی‌لر. اهالی ملی کوچ‌لرنی حمایت قیله‌دی. قطار اهالی‌گه کوره، افغانستان ملی کوچ‌لری ترورچی‌لیک‌که قرشی کوره‌شیش قابلیتی‌گه ایگه، اما مذکور کوچ‌لرنی حمایت قیلیش اوچون سیاسی اراده افغانستان حکومتی‌نینگ ایچی‌ده موجود ایمس.
هرات ولایتی‌نینگ یشاووچی‌سی فیروزنینگ ایتیشیچه، افغانستان ملی کوچ‌لری کونگلی و ذهنی‌دن اورین آلگن، او هر دایم ملی کوچ‌لر فدا کارلیک لریدن قدردان‌لیک قیله‌دی. مارشال فهیم حربی بیلیم یورتی‌دن 549 کیشی فراغت حجتی‌نی قول‌گه کیرتگنی رسمی‌لر تامانی‌دن تیل‌گه آلیندی.
ایتیلیشیچه، مارشال فهیم حربی بیلیم یورتی‌ده مذکور منصب‌دارلرنینگ حربی ساحه ده تعلیم کوریشی 1390- ییل‌ده باشلنگن.
