جمهور رییس اشرف‌غنی بوگون کابل‌ده « بیرلشگن ملت‌لر تشکیلاتی‌نینگ عیال‌لر، تینچ‌لیک و امنیت اوچون 1325 ملی قطعنامه‌سی رونمالیگی‌ده» قیلگن چیقیش‌ده ایتیشیچه، افغانستان کیله‌جگی قوشنی همکارلیک‌لر گروی‌گه باغلیق.
جمهور رییس‌گه کوره، حاضر اوروش تحمیل ایتیلگن. اما، هیچ کیم افغانستان سقوطی اوچون قمار اورمس‌لیگی لازم. اونگه کوره، افغانستان بیش مینگ ییل تیریک‌لیک قیلگن و بو یول‌ده ینه بیش مینگ ییل قربان‌لیک بیره‌دی.
مملکت‌ده‌گی اوروش تحمیل ایتیلگن لیگی‌گه اشاره قیلگن جمهور رییس هیچ بیر زمان ضعیف موقف‌دن تینچ‌لیک مذاکره‌لرنی تن آلمس لیگی‌نی ایتگن.
جاری ییل باشلنگن‌دن بیری قورال‌لی طالب‌لر مملکت بویلب اوز هجوم‌لرینی شددت لشتیرگن، حتی ایریم وقت‌لرده قطار ولسوال‌لیک‌لرنی تصروف قیلیش‌گه موفق بولگن.
شونینگ‌دیک افغانستان‌ده نابرقرارلیک‌لر میزانی آشگن‌لیگی توغریسی‌ده خواطر بیلدیرگن سنامجلسی‌نینگ اعضالری خوف‌سیزلیک اداره‌لردن امنیت اوچون جدی بولیش‌لرینی سوره‌گن‌لر.
سنامجلسی نینگ بوگونکی ییغین‌ده سوزله‌گن مجلس‌نینگ مدافعه‌وی همده امنیتی کمیسیون رییسی نادر بلوچ، افغانستان‌نینگ هر بیر نقطه‌سیده دشمن مقابلی‌ده اوروش قیله‌دیگن ملی کوچلر تقدیرگه سزاوارلیگینی بیلدیرگن.
جناب بلوچ گه کوره، افغانستان ملی کوچلری زمانوی جهازله‌نیب، اهالی تامانیدن تشویق و ترغیب ایتیلگن حالده، دشمن هر ییرده بولمه‌سین نابود قیلیش کوچ وقوتیگه ایگه.
ملی کوچلر سونگی بیر نیچه آیدن بیری آغیر اوروش‌لر مقابلی‌ده جبهه ده تورگن.
افغانستان ملی مدافعه وزیرلیگی سوزلاووچی‌سی نینگ معاونی دولت وزیری نینگ بوگون بیر خبری ییغین‌ده ایتیشیچه، افغان ملی کوچلری اوتگن 24 ساعت ایچیده 86 حربی تازه‌لش عملیات اوتکزگن‌لر.
اونگه کوره، حاضر هم مملکت نینگ 8 ولایتی‌ده پلان‌لشتیریش عملیات‌لرنی جریانی بار. اوشبو عملیات‌لرده دولت قورال‌لی مخالف‌لری تصروفی‌ده بولگن اونلب قیشلاق ازاد ایتیلگن.
عملیات قندوز، بدخشان، کنر، نورستان، سرپل، فاریاب و ننگرهار ولایتلریده اوتکزیلگن.
جناب وزیری، افغان ملی کوچلری دولت بلند مرتبه‌لی رسمیلری تامانیدن تشویق و ترغیب ایتیلگن‌دن بیری روحیه‌لری کوچلنگن لیگی‌نی بیلدیرگن.
عین‌حالده، افغانستان امنیتی بلند مرتبه‌لی رسمیلری کیلگوسی آلتی آی ایچیده خوفسیزیلیک وضعیت بوزلیشی‌دن آگاهلنتیرگن‌لر. بوندن نیچه کون آلدین ملی مجلس‌ده سوزله‌گن افغانستان ملی امنیت اداره‌سی باشلیغی رحمت‌الله نبیل، کیلگوسی آلتی آیده مملکت خوفسیزیلیک وضعیتی بوزیلیشی ممکن لیگی‌دن خبر بیرگن ایدی.
