.jpg)
بوگون هرات ولایتی نینگ اونلب یشاوچیسی نابرقرارلیک، اداری فساد، ایش‌سیزلیک و بو ولایت برابریده کَمسیتیش میزانی آشگن لیگی‌گه قرشی اعتراض بیلدیریب ولایت بناسی قرشیسی‌ده توپلندیلر.
اعتراضچیلر بوندن بیر آی آلدین جمهور رییس‌گه ولایت وضعیتی ایجابی اوزگریشی توغریسیده مهلت بیرگن لیکلرینی تیلگه آلگنلر. اولر، موجود قیین‌چیلیک حل ایتیلمه‌گن حالده، ولایت مقامی ایشیگینی یاپیشلری خصوصیده آگاهلنتیرگنلر.
هرات یاشلر اجتماعی کینگشی نینگ باشلیغی نذیراحمد صالحی، جمهور رییس غنی مساله حل ایتیلیشی اوچون اوزی هرات‌گه کیلمه‌گونگه قدر ولایت ایشیگینی یاپه‌میز دیدیلر.
مدنی فعال عبدالله عزیزی، حکومت نینگ بو بی‌فرق یانده‌شیشلری توغریسیده اولگونچه توختش‌نی ایتگن. او، هرات خلقی نینگ حقوقینی مدافعه قیله‌میز دیدی.
ملی بیرلیک حکومتی رهبرلرینی معامله‌گرلیککه عیبله‌گن اوشبو اعتراضچیلر جمهور رییسلیک سرایی هرات‌نی بوتونله‌ی اونوتیب یوبارگن دیگنلر.
شونینگدیک اعتراضچیلر ولایت نینگ بوتون اداره‌لریده اداری فساد اوز اوجی‌گه ییتگن لیگی توغریسیده علیحده نالیگنلر.
