.png)
مملکت جمهور رئیسی محمداشرف غنی، حکومتی نینگ سونگی ییل‌لریده کوپینچه ولایت‌لرگه سفر قیلدی. جمهورلیک ریاست سرایی نینگ سوزلاوچیسی گه کوره، جمهور رئیس غنی حاضرگچه 60 مرته ولایت‌لرگه سفر قیلگن و بو سفرلرده پروژه‌لرنی آچگن یا-ده مرکزلرنینگ تمل‌تاشینی قویگن.
بیراق، سلام‌وطندار تامانیدن قولگه کیریتیلگن معلومات گه کوره، جمهور رئیس پروژه‌لردن بیرقطارینی قیته‌دن آچیب و یا-ده سابق حکومت نینگ یریم قالگن پروژه‌لرینی باشدن آچگن.
بو گزارش‌ده ملی بیرلیک حکومتی نینگ دوره‌سیده ایکینچی مرته آچیلگن پروژه‌لرنی ایسلب اوته‌میز.
کنر ولایتی نینگ 200 یاتاقلیک کسلخانه‌سی میلادی 2018- ییل، 11- نوامبرده ساغلیق‌نی سقلش وزیری فیروزالدین فیروز تامانیدن آچیلگن، بیراق بیش آیدن سونگ، جمهور رئیسی غنی تامانیدن قیته آچیلدی.
.png)
مذکور کسلخانه آچیلگنی توغریسیده بولگن معلومات نی فیروزالدین فیروزنینگ رسمی فیسبوک صحیفه‌سی و کنر حاکمی نینگ دفترینی تخنیکی و خصوصی بولیمی‌دن قولگه کیریته آله‌سیز و بو پروژه قیته‌دن آچیلگنی توغریسیده جمهورلیک ریاستی سرایی نینگ صحیفه‌سیده بوتون معلومات کیریتیلگن.
هرات ولایتی نینگ صناعت و سوداگرلیک اتاقی نخبه‌لر لیسه‌سی بیرینچی مرته میلادی 2018- ییل، 28- فبروری ده جمهور رئیس تامانیدن آچیلگن، بیراق ایکینچی مرته میلادی 2019- ییل، 22 اپریل ده معارف وزیرلیگی نینگ سرپرستی میرویس بلخی تانیدن آچیلدی.
مذکور لیسه 6000 متر مربع ییرده 30 میلیون افغانی خرجت کوتریب صناعت و سوداگرلیک اتاقی نینگ مدیرلیک هیأتی، سوداگرلر و سرمایه یاتقزووچی‌لرنینگ شخصی یاردملری بیلن استندرد شکلده اوچ قبت ده قوریلگن.
شونینگدیک، بادغیس ولایتیده قیصار-لامان حلقه‌یی جاده‌سی نیچه مرته جمهور رئیس و سابق وزیرلر تامانیدن آچیلگن.
.png)
مذکور جاده تورت ییل آلدین فواید عامه نینگ سابق وزیری نجیب‌الله اوژن تامانیدن آچیلگن، ینه بیر بار مذکور وزیرلیک نینگ ییریک اورین باسری تامانیدن و شونینگدیک، اوچینچی مرته زمانیدن فواید عامه وزیری بولگن محمود بلیغ تامانیدن آچیلدی.
بامیان-میدان شهر جاده‌سی نینگ ایکینچی بولیمی و بامیان هوا قونالغه‌سی، قویاش 1391- ییل، سابق جمهور رئیس نینگ اورین باسری کریم خلیلی تامانیدن آچیلگن، بیراق 1395- ییل، 8- سنبله ده بو پروژه‌لر ایکینچی مرته جمهور رئیس غنی آرقه‌لی آچیلدی.
.png)
دارالمان اداری مجوعه‌سی، اوتگن ییل 8 "جوزا" ده شهر قوریش سابق وزیری سیدسعادت منصور نادری تامانیدن افتتاح ایتیلگن ایدی؛ بیراق "یکشنبه" کونی جمهور رییس تامانیدن قیته‌دن افتتاح ایتیلدی.
شفافیت اداره‌سی نینگ ارتباطی مسوولی ناصر تیموری نینگ ایتیشیچه، ملی بیرلیک حکومتی دوریده قطار پروژه‌لرنینگ قیته‌دن افتتاح ایتیلیشی خصوصیده صحبت‌لر مطرح ایتیلگن، بیراق بوتوغریده تحقیق یولگه قوییلمه‌گن.
فیفا اجرایی باشلیغی یوسف رشیدنینگ ایتیشیچه، سیلاو کمپاینی جریانیده حکومت‌دارلیک ایش‌لری خصوصیده جمهور رییس ایش‌لریگه محدودیت قوییلمه‌گن.
فیفا اجرایی باشلیغی‌گه کوره، پروژه‌لرنی جمهور رییس تامانیدن قندی شکلده افتتاح ایتیلیشی خصوصیده قانونی محدودیت یوق دیر و افتتاحیه مراسمده سیلاو کمپاینی اوچون اهالیدن رسمی دعوت بولمه‌گن صورتده، سیلاو کمپاینی حساب‌لنمه‌یدی.
.png)
بیراق، جمهورلیک ریاستی سوزلاوچیسی صدیق صدیقی نینگ ایتیشیچه، پروژه‌لرنینگ جمهور رییس تامانیدن افتتاح ایتیلیشی خصوصیده دقت قیلینیشی کیره‌ک، چونکه مذکور پروژه‌لرنینگ باشقه بولیم‌لری سابق افتتاح ایتیلگن.
اونینگ ایتیشیچه، اوتگن ییل دارالمان اداری مجوعه‌سی نینگ مطالعه بولیمی اقتتاح ایتیلدی، بیراق "یکشنبه" کونی اوشبو پروژه‌لر بنا‌سی نینگ تاشی جمهور رییس تامانیدن قوییلدی.
بوندن آلدین جمهورلیک ریاستی نامزدلریدن بیرقطاری نینگ ادعا قیلیشیچه، جمهور رییس غنی سیلاو کمپانی اوچون دولتی امکانیت‌لردن قولنه‌دی و پروژه‌لرنی قیته‌دن افتتاح قیله‌دی.
