تینچلیک مصلحتی قورولتایی نینگ اداغی‌ده جمهور رئیس محمداشرف غنی نینگ ایتیشیچه، رمضان مبارک آی مناسبتی بیلن طالبان محبوس‌لریدن 175 ته‌سی قوییب یوباریله‌دی.
جمهور رئیس غنی نینگ کوپه‌یتیریشیچه، رمضان مبارک آی‌ده اوروش و قان توکیش اورنی‌ده اهالی‌گه تینچلیک و خرسندلیک هدیه قیلیش کیره‌ک.
او طالبان گروهی دن اوروش و زوره‌وانلیک‌دن قول تارتیب تینچلیک لایحه‌سیگه قوشیلیشی‌نی سوره‌یدی.
جمهور رئیس‌نی سوزلری دوامیده ایتیشیچه، تینچلیک آلغه باریش معنی سیگه ایمس و مملکت امنیتی کوچلری تاغ کبی توخته‌ب کوپ قطار یوتوقلرگه قول تاپگن.
اونینگ کوپه‌یتیریشیچه، حکومت تینچلیک تامین ایتیلگنی‌دن سونگ، افغانستانی آسیا جنوبی مملکت‌لری‌نینگ انرژی دهلیزیگه اوزگرتیریش اوچون سعی و حرکت قیله‌دی و تینچلیک مصلحتی ییغین نینگ شرط نامه‌سی بو توغریده حرکت قیلیش زمینه‌سینی یره‌تگن.
جمهور رئیس نینگ ایتیشیچه، ملیاردلرچه دالر سرمایه یاتقیزیش تینچلیک یوتوقلریدن دیر و اونینگ اساسیده ایش زمینه‌سی یره‌تیله‌دی و مملکت یشاوچی‌لری مهاجر بولیش‌گه مجبور بولمه‌یدی.
جناب غنی نینگ پاکستان‌نی مخاطب قرار بیریب ایتیشیچه، افغانستان و پاکستان تهدیدلرنی تینچلیک فرصتی‌گه اوزگرتیره آله‌دی و اوز قیین‌چیلیگی‌نی باشقه مملکت‌لر کبی مذاکره یولی بیلن حل قیله‌آله‌دی.
جمهور رئیس نینگ تینچلیک ریجه‌سی خصوصیده امریکا سعی و حرکتی‌دن منت‌دارلیک بیلدیریب ایتیشیچه، افغانستان و امریکا رابطه‌سی دایمی دیر.
غنی نینگ کوپه‌یتیریشیچه، آتیش‌کیسین تینچلیک مصلحتی قورولتایی اعضالری‌نینگ مشروع ایستک‌لریدن دیر، بیراق آتیش‌کیسین بیر تامانلمه بولمه‌یدی. اونینگ ایتیشیچه، طالبان گروهی آتیش کیسین‌گه حاضر بولگن صورتده، حکومت آتیش‌کیسین فنی موضوع لری اوستیگه اولر بیلن ایش قیلیش‌گه حاضر دیر.
