بوگون «پنجشنبه» کابلده خلق ارا معارف کونیدن نشانلش مراسمده اداری ایشلر ادارهسینینگ سیاسی، اجتماعی و مدنی علاقهلر ریاستی باشلیغی میاگل وثیقنینگ ایتیشیچه، جمهور رئیس غنینینگ ایشینی بیرینچی کونلریده اورگهتیش و تربیهلش بیرینچی اورینده ایدی؛ بیراق مملکتدهگی جاری اوروش بو اولویتنی اوزگرتیرگن.
جناب وثیق گه کوره، ناتینچلیکلر باعث، مملکت معارفی گه اونچهلیک دقت قیلینمهگن و حاضر کمیده 3 یریم میلیون باله ناتینچلیکلر باعث، اورگهتیش و تربیهلشدن محروم قالگن.
عین حالده، معارف وزیرلیگینینگ سواد اورگهتیش اورین باسری سردار محمد رحیمینینگ ایتیشیچه، اوتگن 10 ییلده معارف بودجهسی 18% دن 11.5% گه کمهیگن.
رحیمی گه کوره، اوشبو وزیرلیکنینگ بودجهسی کمهییشی گه مملکتدهگی جاری اوروش سبب بولگن؛ چونکه ملی بودجهدن کوپینچهسی امنیتی ادارهلر اوچون اجرهتیلگن.
معارف وزیرلیگینینگ سواد اورگهتیش اورین باسرینی کوپهیتیریشیچه، معارف بودجهسی کمهیگنده هم بوتون مملکتده 9 میلیون باله تعلیمات کورهدی.
معارف وزیرلیگی تامانیدن بیریلگن رقم اساسیده، مملکت بویلب 17 مینگ و 430 مکتب فعالیت قیلهدی و بو جملهدن یالغیز کمیده 9 مینگ مکتبنی بِناسی بار و باشقه قالگنلرینی بِناسی یوق دیر.
افغانستان حکومتی قویاش 1397- ییلنی معارف ملی حشر ییلی دیگن؛ بیراق حاضرگهقدر کوپینچه اوقووچیلر خیمهلرنی آستیده درس اوقیدیلر.
