جمهورلیک ریاست سرایی فسبوک صحیفه سیده، آریانا هوایی شرکتی‌نینگ آتی اوزگریشی شایعه لیگی‌نی بیلدیرگن. بو صحیفه کمیده اوچ هفته آلدین جمهور رییس غنی‌نینگ خصوصی هوایی شرکت‌لر مسوول‌لری بیلن اولتیریشی‌دن حجت ترقه‌تیب اورغوله‌شیچه، آریانا شرکتی ملی معنوی سرمایه شکلی‌ده سقله‌نیب، افغانستان تاریخی بیللی بولیشی‌گه باغلیق لیگی کوزه‌تیلگن.
بو اولتیریش حمل آیی‌نینگ 28ده جمهورلیک ریاست سراییده اوتکزیلگن.
ترقه‌تیلگن گزارشلرگه کوره، اولکه هوایی و ترانسپورت وزیرلیگی جمهور رییس غنی بویروغی اساسی‌ده 60 ییل‌دن بویان ایش‌لب کیلگن آریانا هوایی شرکت نامی‌نی « د باختر- افغان الوتنه »گه اوزگرتیرگن.
شونینگ‌دیک اولکه هوایی و ترانسپورت وزیرلیگی تمانیدن ترقتیلگن خبرنامه‌ده کیلیشیچه، مذکور وزیرلیک ایچکی اوچیش‌لر قیینچی‌لیک‌لرینی حل ایتیش اوچون « د باختر – افغان الوتنه » شرکتی‌نی آریانا هوایی شرکتی اداره لایحه سیده ایجاد قیله‌دی و بو ایش آریانا هوایی شرکتی آتی‌نی اوزگرتیریش معنی‌سی‌گه ایمس.
آریانا هوایی شرکتی آتی اوزگرتیریلیش خبری، اجتماعی ترماغ‌لر آرقه‌لی ترقه‌تیلیشی بیلن اولکه یشاوچی‌لری تنقیدی‌گه روپه‌ره بولدی.
شونینگ‌دیک بیرقطار ملی کینگش نماینده‌لری و تانیقلی سیاسی چهره‌لر، اوشبو مسأله خصوصی‌ده قرشی‌لیک کورسه‌تیب، حکومت‌نی قومی حرکت قیلیشگه قاره‌له‌دیلر.
مذکور واقعه، انچه پیت آلدین کابل خلق ارا هوایی قونالغه‌سی حامد کرزی آتی‌گه اوزگریشی تنقیدلرگه روپه‌ره بولدی.
