افغانستان جمهورلیک ریاست سیلاو نامزدلری نینگ سیلاو کمپاین‌لری باشلنگنیدن 7 کون اوتماقده، بیراق سیلاودن نظارت قیلووچی اداره‌لرنینگ ایتیشیچه، جمهورلیک ریاست سیلاو نامزلری نینگ سیلاو کمپاین‌لری ایلگری دورلرگه نسبتن قیزیق ایمس دیر.
افغانستان بوییچه ایرکین و عدالت‌لی سیلاو بنیادی یا-ده فیفا اجراییه باشلیغی یوسف رشیدنینگ سلام‌وطندارگه ایتیشیچه، سیلاو کمپاین‌لری سابق دوره‌لرگه نسبتن قیزیق بولمه‌گن.
اونگه کوره، آمریکا و طالبان گروهی آره‌سیده تینچلیک سوزلشوولری، نامزدلرنینگ اقتصادی قیین‌چیلیک‌لری، ناتینچلیک، نامزدلرنینگ بیرقطاری تامانیدن سیلاو تحریم قیلینیش موضوعی و دولتی امکانیت‌لر جمهور رئیس غنی و عبدالله عبدالله تامانیدن سوءاستعمال قیلینیشی جمهورلیک ریاست سیلاو نامزدلری نینگ کمپاین‌لری قیزیقمه‌گنی گه سبب بولگن.
جناب رشیدنینگ کوپه‌یتیریشیچه، نامزدلردن بیرقطاری هم سیلاو یولگه قوییلیشی ده کم‌چیلیک‌لر یوز بیریشی خصوصیده خواطر بیلدیرماقده‌لر و بو موضوع هم سیلاو کمپاین‌لری قیزیقمه‌ییشی گه باعث بولگن.
افغانستان بوییچه شفاف سیلاو بنیادی یا-ده تیفا باشلیغی نعیم ایوب‌زاده نینگ ایتیشیچه، سیلاو کمپاین‌لری دنیاجماعه‌چیلیگی تامانیدن سیلاو جریانیده ایشانچ‌سیزلیک فضاسی ایجاد ایتیلگنی، سیلاوده معامله قیلینگنی و سیلاو کمیسیونی تامانیدن ایشانچ فضاسی ایجاد ایتیلمه‌گنی باعث، قیزیقمه‌گن.
اونگه کوره، سیلاو نامزدلری نینگ سیلاو کمپاین‌لری بو ییل کم‌رنگ و امیدسیزلیک دیر.
محمدحنیف اتمر رهبرلیگی ده بولگن تینچلیک و برابرلیک سیلاو تیمی سوزلاوچیسی محمد واعظی نینگ ایتیشیچه، سیلاوده موجود شفافیت سیزلیک، جمهور رئیس غنی نینگ رهبرلیگی ده دولت قورووچی سیلاو تیمی و ملی حکومت حکومت اجراییه باشلیغی عبدالله عبدالله نینگ رهبرلیگی ده برقرارلیک و یقینلیک سیلاو تیمی، سیلاو کمپاین‌لریده دولتی امکانیت‌لردن فایده‌لنیشی و سیلاو کمیسیونی نینگ ایشلریده حکومت اره‌لشگنی باعث، بو تیم سیلاو کمپاین‌لرینی جدی شکلده باشلمه‌گن.
اونگه کوره، تینچلیک و برابرلیک سیلاو تیمی مهندسلیک قیلینگن سیلاوده رقابت قیلمه‌یدی.
بیراق، سیلاو ایرکین کمیسیونی سوزلاوچیسی اورین باسری ذبیح‌الله سادات نینگ ایتیشیچه، کمیسیون سیلاو کمپاین‌لری اوچون زمینه یره‌تگن و نامزدلر یشاوچیلرنینگ ایشانچینی قولگه کیریتیش اوچون سیلاو کمپاین‌لرینی قیزیقتیریش خصوصیده سعی و حرکت قیلیش‌لری کیره‌ک.
اونگه کوره، سیلاولر ایرکین کمیسیونی تنقیدلرگه قره‌مه‌ی جمهورلیک ریاست نامزدلری نینگ سیلاو کمپاین‌لری خرجتی‌نی 400 میلیون افغانی دن آرتیق تعیین قیلگن و بو ایش‌دن مقصد، نامزدلر سیلاو کمپاین‌لرینی قیزیقتیریشی بولگن.
شونینگدیک، ایکی کون آلدین سیلاو شکایت‌لرینی تینگلش کمیسیونی، دولت قورووچی و برقرارلیک و یقینلیک سیلاو تیم‌لرینی سیلاو کمپاین‌لریده دولتی امکانیت‌لردن فایده‌لنیش گه عیب‌لب و اولرنی آگاه‌لنتیردی، بیراق مذکور ایکی تیم نینگ اعضالری دولتی امکانیت‌لردن فایده‌لنیش نی رد قیلیشدی.
شو توغریده…
غنی و عبدالله سیلاو کمپاین‌لریده دولت امکانیت‌لریدن فایده‌لنه‌دی
