بوگون «یکشنبه» کابل‌ده خبری بیر ییغین اوتکزگن جمهورلیک ریاست سوزلاوچیسی صدیق صدیقی نینگ ایتیشیچه، جاری تینچلیک سوزلشوولری اوچون بولگن اساسی توسیق افغانستان یشاوچیلریگه قرشی طالبان نینگ اوروشی و زوروانلیک‌لر دوامی دیر.
اونگه کوره، طالبان گروهی افغانستان یشاوچیلرینی اولدیریش‌دن قول تارتیب، آتیش‌کیسین نی قبول قیلیب و افغانستان حکومتی بیلن یوزمه یوز سوزلشووگه حاضر بولگنده، مملکت‌ده حقیقی تینچلیک تأمین‌لنه‌دی.
جمهورلیک ریاست سوزلاوچیسی نینگ کوپه‌یتیریشیچه، افغانستان حکومتی کیله‌جک‌ده آمریکا و باشقه مملکت‌لر بیلن قوشمه شکلده مملکت‌ده دایمی تینچلیک تأمین‌لنیشی خصوصیده سوز بیره‌دی.
اوشبو موضوع بیان ایتیلگن بیرچاغده، اوتگن کیچه آمریکا جمهور رئیسی دونالد ترامپ، اوز توییتر صحیفه‌سیده، آمریکا و طالبان ارا تینچلیک سوزلشوولری بیکار قیلینگنیدن خبر بیردی.
بیراق، سیاسی ایش بیلرمانلردن بیرقطاری نینگ ایتیشیچه، دونالد ترامپ تامانیدن تینچلیک سوزلشوولری بیکار قیلینیش سببی، آمریکا و طالبان آره‌سیده تینچلیک کیلیشوونامه‌سی امضاءلنیشی گه آمریکا سیاستچی‌لری و کابینه‌سی نینگ جدی قرشی‌لیک‌لری دیر.
سیاسی ایش بیلرمانلردن بیری آصف آشنانینگ ایتیشیچه، تینچلیک برنامه‌سی باشلنیش‌دن دونالد ترامپ نینگ سیلاو تیمی اوچون سیلاو بیر برنامه ایدی، بیراق بو جریاندن تنقید قیلیش‌لر شدتلنگنیدن سونگ، بو اویین دوامی آمریکا جمهور رئیسی نینگ زیانی گه بولیشی بیلگی‌لندی.
جناب آشناگه کوره، آمریکا جمهور رئیسی تامانیدن تینچلیک سوزلشوولری بیکار قیلینیش سببی، آمریکا سیاستچی‌لری و ترامپ کابینه‌سی نینگ جدی قرشی‌لیک‌لری دیر و آمریکایی‌لیک بیر عسکرنینگ اولیمی بو جریان بیکار قیلینیشی اوچون بیر بهانه بولگن.
سیاسی ایش بیلرمانلردن باشقه بیری و بیلیم یورت استادی محمد حیدری نینگ ایتیشیچه، تینچلیک سوزلشوولری نینگ نتیجه‌سی بیر معامله کبی کورینه‌دی.
اونگه کوره، آمریکا، افغانستانده 18 ییل اوروشدی و کوپلب قربانلیک بیردی، بیراق تینچلیک سوزلشوولری، افغانستان نینگ بیر شکلده 18 ییل آلدین گه قیترماقده ایدی و عین دمده، آمریکا اوتگن 18 ییل‌لیک سرمایه یاتقزیش ارزشلرینی قولدن بیرردی.
آمریکا، طالبان نماینده‌لری بیلن 9 دور قطرنینگ دوحه شهریده اوچره‌شدی و کیله‌سی دور ده تینچلیک کیلیشوونامه‌سی نینگ مقصدمه‌سی امضاءلنیشی گه قرار قیلینگن ایدی. بو مقدمه افغانستان تینچلیک لایحه‌سی بوییچه آمریکا تشقی ایشلر وزیرلیگی‌نی خاص نماینده‌سی زلمی خلیلزاد تامانیدن جمهور رئیس غنی گه هم کورسه‌تیلدی.
شو توغریده…
تینچلیک سوزلشوولری ترامپ تامانیدن لغو ایتیلدی
