سیلاولر ایرکین کمیسیونی نینگ ایتیشیچه، کیله‌جک جمهورلیک ریاستی سیلاویده مملکت بویلب 2002 آواز بیریش مرکزی یاپیق قالیشی ممکن.
سیلاولر ایرکین کمیسیونی باشلیغی حوا علم نورستانی نینگ ایتیشیچه، مملکت بویلب 7 مینگ و 385 آواز بیریش مرکزدن کیله‌جک سیلاوده 5 مینگ و 383 مرکز فعال و باشقه 2 مینگ و 2 مرکز ناتینچلیک باعث یاپیق قاله‌دی.
خانم نورستانی گه کوره، اوشبو مرکزلرگه غزنی ولایتی‌نینگ 406 مرکزی هم شامل بوله‌دی و بو جمله‌دن 247 مرکز فعال و باشقه 159 مرکز غیرفعال دیر.
سیلاولر ایرکین کمیسیونی تامانیدن بیریلگن رقم‌لر اساسیده، آواز بیریش مرکزلردن کوپینچه‌سی فراه، قندوز، غزنی، هلمند، جوزجان، زابل و سرپل ولایت‌لریده یاپیق دیر.
فراه ولایتیده 224 آواز بیریش مرکزدن 50 ته‌سی فعال و باشقه 174 مرکز غیرفعال دیر، قندوز ولایتیده 220 آواز بیریش مرکزدن 98 مرکز فعال و باشقه 122 ته‌سی غیرفعال دیر، غزنی ولایتیده 406 آواز بیریش مرکزدن 247 مرکز فعال و 159 مرکز غیرفعال دیر، هلمند ولایتیده 247 آواز بیریش مرکزدن 97 مرکز فعال و باشقه 150 مرکز غیرفعال دیر، جوزجان ولایتیده 129 مرکزدن 60 ته‌سی فعال و 69 مرکز غیرفعال دیر، زابل ولایتیده 100 آواز بیریش مرکزدن 43 ته‌سی فعال و 57 ته‌سی غیرفعال دیر و سرپل ولایتیده 149 آواز بیریش مرکزدن 89 ته‌سی فعال و باشقه 57 ته‌سی غیرفعال دیر.
سیلاولر ایرکین کمیسیونی تامانیدن اعلان ایتیلگن تقویم اساسیده، جمهورلیک ریاستی سیلاوی جاری ییل، 6- میزان ده یولگه قوییلیشی خصوصیده قرار قیلینگن.
شو توغریده…
فیفا: سیلاولر کمیسیونی مدیریت‌سیزلیک و اویغونسیزلیک‌که روپه‌ره بولگن
