سیلاولر ایرکین کمیسیونی‌نینگ معلوم قیلیشیچه، کیله‌جک جمهورلیک ریاستی‌نینگ سیلاوی کیله‌جک قویاش ییل 29- سرطان ده یولگه قوییله‌دی.
سیلاولر ایرکین کمیسیونی‌نینگ بو ایشی کوپینچه عکس‌العمل‌لرگه روپه‌ره بولدی. ینگی‌لیک‌ده سیلاودن نظارت قیلووچی اداره‌لردن بیر گروهی قوشمه صورتده، سیلاولر ایرکین کمیسیونی‌نینگ بو قراری گه قرشی‌لیک بیلدیرگن.
سیلاودن نظارت قیلووچی 8 اداره، کمیسیون‌نینگ بو قرارینی اساسی قانون گه قرشی و اهالی زیانی گه دیگن‌لر.
شونینگدیک، سیلاودن نظارت قیلووچی اداره‌لرنینگ اعلامیه‌سیده کیلیشیچه، کمیسیون‌نینگ بو قراری سیلاولر قانونی‌نینگ 104 ماده‌سی اساسیده بولیب و ژرفی اصلاحات اوچون اورین قویگن صورتده، توجیه قیلیب بوله‌دی و بونده‌ی بولمه‌گنده مملکت زیانی گه تمام بولیشی ممکن.
سیلاولردن نظارت قیلووچی اداره‌لر تامانیدن سیلاو جریانی یخشی‌لنیشی اوچون تکلیف قیلینگن موضوعلر سیلاولرگه اصلاحات کیریتیش عملی برنامه تیزیلیشی اوچون سیاسی کیلیشوو، رهبرلیک، کاتب‌خانه ریاسی و سیلاولر ایرکین کمیسیونی‌نینگ ولایتی ریاست‌لریگه اصلاحات کیریتیش، آواز بیرووچیلرنینگ رویخطی‌گه قیته‌تیکلش و جمعیت‌نی رویخط‌گه آلیش اداره‌سی تامانیدن بیریلگن معلومات‌لر و بایومتریک اساسیده، بو فقره گه اصلاحات کیریتیش‌دن عبارت بولگن.
سیلاولردن نظارت قیلووچی اداره‌لرنینگ ایسته‌گی گه عکس‌العمل سیلاولر ایرکین کمیسیونی‌نینگ ایتیشیچه، سیلاولرده دخیل برچه اداره‌لر بیلن جمهورلیک ریاستی‌نینگ سیلاوی یولگه قوییلیش زمانی آرتده قالدیریلیشی توغریسیده مصلحت قیلینگن.
سیلاولر ایرکین کمیسیونی بوندن آلدین جمهورلیک ریاستی‌نینگ سیلاوی یولگه قوییلیش زمانی کیله‌جک ییل 31- حمل‌دن 29- سرطان گه آرتده قالدیریلیش دلیلی‌نی آواز بیرووچیلرنینگ رویخط‌گه آلیش و اینیقسه ساووق منطقه‌لرده لوژیستیکی فعالیت‌لر اوچون هوا وضعیتی نامناسب‌لیگی، اصلاحات‌نی عمل‌گه آشیریش، ایشلاوچی‌لرنی تعیین‌لش، بایومتریک‌دن فایده‌لنیش، خوفسیزلیک و سیلاولر عین زمانده اوتکزیلیشی دیگن ایدی.
بیراق، سیلاولر ایرکین کمیسیونی‌نینگ بو قراری فرقلی تفسیرلرگه دوچ کیلدی.
