میدان وردک ولایتینینگ جلریز ولسواللیگیده قوراللی طالب افغان ملی کوچلری آرقهلی آرتگه چیکینتیریلگن بیلن اوروش اوز پایانیگه ییتگنیگه قرهمی، اما محلی مسؤوللر، مرکزی حکومت اعتبار قرتمهگن حالده، قوراللی طالبلر تیزلیکده مذکور ولسواللیکنی تصرف قیلیشلریدن خواطر بیلدیرگنلر.
بوگون کابلده بیر خبری انجمن اوتکزگن میدان وردک ولایت کینگشی اعضالریگه کوره، مذکور ولسواللیککه تازهنفس کوچلر همده قورال اسلحه یوباریلمهگن حالده، بو ولسواللیک طالبلر قولیگه اوتهدی.
میدان وردک ولایت کینگشینینگ رییسی حاجی احمد جعفرینینگ ییغینده حکومتنی تنقید استیگه آلیب ایتیشیچه، اوتگن کون ملی کوچلر قورللی طالبلر بیلن 12 ساعت اوروش قیلگنلر، اما مرکزی دولت تامانیدن هیچ قندهی یارد کورسه تیلمهگن
جناب جعفریگه کوره، اوتگن کون جنگریلر بیلن طالبلر اورتهسیده یوز بیرگن اوروشده جنگریلر ملی کوچلرنی بیر قطارینی اولدیریب، ایریملرینی اوزلری بیلن آلیب کیتگن.
ولایت کینگش اعضالری، میدان وردک وضعیتی یامان لشگنلیگیدن خواطر بیلدیرگنلر.
اوتگن کیچه یوز بیرگن ارووشده ایکی تامانگه هم تلفات ییتگن. ایتیلیشیچه، هنوزگچه 18 نفر ملی کوچلردن اولدیریلگن.
جلریز ولسوالی نقیبالله حیدرینینگ سلاموطنداربیلن علاقهده بولیب ایتیشیچه، جنگریلر بیلن ملی کوچلر اورتهسیدهگی اوروش پنجشنبه کیچهسی ساعت 12 اوز پایانگیه ییتگن.
جناب حیدری، اوروشده افغان ملی کوچلرینینگ 18 نفری اولدیریلگنلیگیدن تشقری 7 کیشی هم تن جراحتی آلگن دیگن. عین حالده، اوچ تینچ اهالی شامل اونلب طالب هم هلاک بولگنی ایتیلهدی.
عین حالده، میدان وردک ولایت کینگشینینگ اعضالریدن بیری شریفالله هوتکنینگ سوزلریگه کوره، هنوزهم ولسوالیکنینگ برچه قیشلاقلری قوراللی طالبلر قولیده قالماقده.
باشقه تاماندن قوراللی طالبلر بیر اعلامیه نشر قیلیب، زیورآلات، خواجه صاحب، شیرخان و محمدنورخیل منطقهلریده پولیسنینگ 7حربی پوستهسی تصرفلریده ایکنلیگینی ادعا قیلماقدهلر.
شونینگدیک، قوراللی طالبلرنینگ سوزلاووچیسی ذبیحالله مجاهد، افغان ملی کوچلرینینگ بیرتیک اوچرینی سقوط بیرگنلیکلرینی ایتگن.
عین حالده، قوراللی طالبلر افغانستان شمالشرقیده جایلشگن قندوز ولایتیده هم اوز هجوملرینی شددتلشتیرگندن کیین افغان ملی کوچلری آرقهلی آلدی آلیندی. ایتیشیچه، حاضرگی کونده افغان ملی کوچلری بو ولایت ولسواللیکلریده تازهلش حربی عملیات اوتکزماقده.
