بوگون شنبه توشدن‌آلدین ساعت 11 اطرافیده، هجومچی‌لر جلال‌آباد شهری‌نینگ اوچینچی ناحیه‌سیده، ساغلیک ریاستی‌گه تیگیشلی همشیره‌لر تربیه‌لنه‌دیگن بیر مرکزگه هجوم قیلدی.
ننگرهار حاکمی سوزلاوچیسی عطاالله خوگیانی، هجوم دن آلدین برچه همشیره‌لر مرکزدن چیقاریلگنی‌نی معلوم قیله‌دی، بیراق مذکور هجوم ده حاضرگچه 3 کیشی تن‌جراحت آلگن.
خوگیانی جنابلری‌گه کوره، خوفسیزلیک کوچلری محل‌ده بارگن و هجومچی‌لرنی نابود ایتیش اوچون تیزلیکده عملیات باشلنه‌دی.
باشقه بیرتاماندن آتی فاش ایتیلیشی‌نی ایستمه‌گن خوفسیزلیک منبع‌لردن بیریسی‌نینگ سلام وطندارگه ایتیشیچه، اوچ مهاجم مذکور مرکزده کیرگن.
ننگرهار عامه‌ساغلیک ریاستی باشلیغی انعام الله میاخیل، هجومچی‌لر همشیره‌لر تربیه‌لنه‌دیگن بیرمرکزی‌گه هجوم اویشتیرگنینی تصدیقله‌یدی، بیراق بو توغریده آرتیق معلومات بیرمه‌یدی.
حادثه گواه‌لری‌نینگ ایتیشیچه، هجوم‌دن کیین حادثه محلی دن پارتلش و اوق آتیش سیسی ایشیتیلگن.
حاضرگچه بیرار گروه یا شخص حادثه مسئولیت‌نی بوینیگه آلمه‌گن.
