کابل بوییچه جاپان ایلچی‌خانه‌سی و ایکی ایچکی ماین تازلاوچی مؤسسه آره‌سیده، 1.2 میلیون دالرلیک شرطنامه گه قول قوییلدی.
مذکور قرارداد گه کوره، ماین تازه‌لش مؤسسۀ‌لر ننگرهار، پروان و کاپیسا ولایت‌لریده 1.6 کیلومتر مربع ییرنی ماین‌دن تازه‌له‌یدی و اونینگ نتیجه‌سیده 14000 عایله ماین خطری‌دن قوتقریله‌دی.
کابل بوییچه جاپان ایلچی‌خانه‌سینی سارژدافری کیچی هارا نینگ ایتیشیچه، مذکور پروژه‌لر پروان، کاپیسا و ننگرهار ولایت‌لریده ایکی ایچکی مؤسسۀ تامانیدن عمل‌گه آشیریله‌دی.
ایکی مؤسسۀ مسووللری و افغانستان حکومتی رسمی‌لری‌نینگ ایتیشیچه، میلادی 2012 ییلدن حاضرگه‌قدر 26.5 کیلومتر مربع ییرنینگ ماین‌دن تازه‌له‌نیشی خصوصیده جاپان مملکتی همکارلیک قیلگن.
کابل بوییچه جاپان ایلچی‌خانه‌سی‌نینگ مسووللریگه کوره، میلادی 2001- ییلدن حاضرگه‌قدر ایکینچیلیک، قیشلاقلرنی رواجلنتیریش، ساغلیق و معارف بولیمی‌ده 6.6 میلیون دالر ارزش‌لی یاردم بیرگن‌لر.
