.JPG)
فاریاب عدلی کسلخانهسی باشلیغی داکتر سمیر عنایت نینگ معلوم قیلیشیچه، کسلخانهده کیلتیریلگن 18 یاشر قیزنینگ جسدی کورسهتیشیچه، خودکشلیک قیلمسیدن آلدین اونگه جنسی زورلنگن ایکن.
اما فاریاب دولتآباد تومنینینگ باشلیغی سیدعبدالسلام نزهت نینگ سلاموطنداربیلن قیلگن صحبتده، حاضرگه قدر بو قیزگینه نینگ خودکشلیک دلیلی انیق معلوم قیلینمهگن؛ اما بونی قنقه هلاک ایتیلگنلیگی بارهسیده تینتاو باشلنگنلیگینی تیلگه آلدی.
بو فاریاب ولایتی دولتآباد تومنی نینگ تورت آته اوی قیشلاقی یشاوچیسی بولگن قیزنینگ عایله اعضاسیگه کوره، او زهرلنیشی بیلن حیاتیگه نقطه قویگن. شو بیلن بیرگه قربان بولگن قیزنینگ تاغهسی محمد امین نینگ معلوم قیلیشیچه، جیهنی یاشلیکدن اولر بیلن بیرگه ایکن و حیاتیده کیشی بیلن معاملهده بولمهگن.
.JPG)
ینگی کیلین تیزاب بیلن خودکشلیگی ناکام قالدی
فاریاب ولایتی نینگ مرکزی کسلخانهسی عدلی طب باشلیغینینگ معلوم قیلیشیچه، ینگی اویلنگن بیر کیلین تیزاب ایچیشی بیلن حیاتیگه نقطه قویش قصدیده ایکن.
عدلی کسلخانه باشلیغی داکتر سمیر عنایت نینگ ایتیشیچه، بو قیز قیصار تومنی یشاوچیسی بولیب 5 کون آلدین توی بولگن.
خودکشلیککه ناکام قالگن کیلین، حاضر فاریاب ولایتی نینگ مرکزی کسلخانهسی شاشیلینچ بولیمده داکترلر دقتیگه قرار بیریلگن.
فاریاب محلی رسمیلری و عیاللر حقوقی فعاللریگه کوره، ولایتده عیاللرنینگ خودکشلیککه قول اوریش علتی زوردن اویلنتیریشلر بولگن، عایلهوی خشونتلر و بیرار پیت هم جنسی زورلنیشلر بو عملگه قول اورهدیلر.
