جوزجان ولایتینینگ آقچه، مردیان، فیضآباد، خانقا و مینگجیک تومنلری یشاوچیلریدن بیرقطارینینگ ایتیشیچه، مذکور تومنلرده ایچیملیک سوو کملیگی اولرنینگ اولیم خطری گه روپهره قیلگن و شو کونلر اولر بیر بُشکه سوونی 20 دن 50 افغانی گچه ساتیب آلهدیلر.
اولرنینگ ایتیشیچه، شو کیچه کونلرده نهفقط ایچیش اوچون ایچیملیک سوو موجود ایمس، بلکیم ایکینزارلری اوچون ایکینچیلیک سوو هم تاپیلمهیدی. اولرگه کوره، بو قیینچیلیک کون اوتیشی بیلن کوپراق بولهدی و حکومت هم بو تومنلرگه یوباریلهدیگن سوو تانکرلرینی توختهتیب قویگن.
جوزجان حاکمی اورین باسری عبدالرحمان محمودی، مذکور ولایت یشاوچیلریدن 300 مینگ کیشی ایچیملیک سوو کملیگی گه روپهره بولیب تورگنینی تصدیقلیدی و مرکزی حکومت بو قیینچیلیککه دقت قیلمهگن صورتده، انسانی مصیبت یوز بیریشی ممکن.
جیولوژیستلردن بیرقطارینینگ ایتیشیچه، جوزجان ولایتینینگ کوپینچه منطقهلرینی سوولریدن گاز کانی موجودلیگی باعث، فایدهلنیب بولمهیدی و بو ولایتنینگ ییر آستی سوولریگه سلفر قوشیلگن.
