بغلان ولایتی نینگ ایکّی تومنیده ییگیرمه سکّیز مکتب امنیتی تهدیدگه روپه ره. بغلان معارف ریاستی نینگ مسووللری، ینگی تعلیمی ییل باشلهنیشیگه قیسقه مدت قالیشیگه قرهمهی، دندغوری و مرکزی بغلانده 28 مکتب نینگ ایشیگی اوقووچیلر یوزیگه همان یاپیق حالتده قالماقده دیدیلر.
بغلان معارف ادارهسی نینگ باشلیغی غلام محیالدین پیکان، مذکور تومنلرده اوزلوکسیز روشده دوام ایتگن اوروشلر، اوقووچیلرنینگ منتظم روشده درس اوقیشی اوچون کتّه قیین چیلیک بولیب کیلگن دیدی.
اونینگ تعبیریچه، مذکور مکتبلر دندغوری همده مرکزی بغلان نینگ بیلیم سویهسی قویی بولگن اهالی حیات کیچیرهدیگن مطنطقهلریده جایلشگن. قیزلرینی مکتبگه یوباریش اوچون خانهدانلرنینگ قیزیقمسلیگی تومنده معارفنی تورلی قیین چیلیک بیلن دوچار قیلگن لیگی ایتیهلهدی.
جناب حیدری، هنوز هم ولایت بویلب 250 مکتب نینگ بناسی یوقلیگینی تیلگه آلگن. شونینگدیک 180 مکتب نینگ هلی هم تورت دیواری قوریلمهگن دیدی او. اوشبو مسالهلر سبب هنوز هم 2600 مینگ اوقووچی آچیق هوا ده درس اوقیش بیلن مشغوللر.
بغلان معارف ادارهسی نینگ مسووللری، اوروش تامانلریدن مکتبلر بناسینی قلقان صفتیده سوء استعمال قیلمسلیکلرینی سورهگنلر. ولایت معارف ریاستی نینگ رسمیلری، موضوع توغریسیده مرکزی حکومت ینه نا دولت تشکلاتلر جدی اعتبار قرهتیشی خصوصیده علیحده تاکید قیلگنلر.
مکتبلر ایشیگی یاپیب قوییلگنلیگی همده آچیق هواده درس اوقیدیگن بیر قنچه اوقووچی هم موضوع بارهسیده خواطر بیلدیریب، بو حقده حکومت بی فرق قالمسلیگینی طلب قیلگنلر.
بغلان ولایتیده 551 دولتی و خصوصی مکتب تعلیم و تربیه ساحهسیده فعالیت ایتهدی. اوشبو مکتبلرده 315 مینگ قیز و ایرکک اوقووچی درس اوقیش بیلن مشغول.
