.JPG)
فعال عیال‌لردن بیری خانم پریزا رحمانی‌نینگ سابق تورموش اورتاغی جاوید آریانینگ ایتیشیچه، تورموش اورتاغی کیله‌جک نماینده‌لر کینگشی سیلاوی اوچون نامزد بولیش‌گه قصد قیلگن؛ انه شو سبب، باشقه‌لرنینگ دقتی‌نی جلب ایتیش اوچون، او و فرزندلریدن فایده‌لنگن.
بیر عیال تورموش اورتاغی‌دن فرزندلرینی ساتیب آلگن عنوانی‌ده سلام‌وطندار سایتی‌دن نشر ایتیلگن گزارش‌ده پریزا رحمانی‌نینگ بیاناتی‌گه قرشی جناب آریا قرشی‌لیک کورسه‌تیب و اونینگ برچه بیانات‌لرینی حقیقت‌دن اوزاق و یلغان دیگن.
جناب آریانینگ ایتیشیچه، هر بیر نامزد سیلاو کمپاینی اوچون بیر میلیون و 500 مینگ افغانی تول‌له‌یدی. شونینگ‌دیک، خانم رحمانی دونرلرنینگ دقتی‌نی جذب ایتیب و شهرت قازانیش اوچون، بو مبلغ‌نی فرزندلرینی ساتیب آلیش بهانه‌سی بیلن ارایه ایتگن.
اونینگ، افغانستان‌ده عیال‌لرنینگ تیریکچیلیک وضعیتی یمان‌لیگی توغریسیده ایتیشیچه، عیال‌لرنینگ یمان وضعیتی سبب، هر کیم بو وضعیت‌دن ناقولی فایده‌لنیب، چاره‌سیزلیک و مظلوم‌لیک بیلن شهرت قازانیش خصوصیده سعی و حرکت قیله‌دی.
جناب آریانینگ ایتیشیچه، کیم‌سه بیر آنه‌نی آنه‌لیک حقی‌دن محروم قیلیب و زوردن فرزندلرینی اوندن اجره‌ته‌آلمه‌یدی. خانم رحمانی‌نینگ اوزی طلاق ایسته‌گن و شونینگ‌دیک، اوزی‌نینگ ایتیشیچه، مهریه‌سیدن واز کیچه‌دی و بدلی‌گه فرزندلری‌نینگ سرپرست‌لیگی‌نی ایکی تامان اورته‌سیده‌گی کیلیشوو اساسیده قبول قیله‌دی. جناب آریانینگ ایشانچی‌گه کوره، کیم‌سه آنه‌دن یخشی فرزندلرینی سقله آلمه‌یدی، انه شو باعث، اوچ کیچیک فرزندی‌نینگ سرپرست‌لیگی‌دن وازکیچگن.
.JPG)
بونگه اساس، خانم رحمانی تامانیدن فرزندلری‌نینگ بهاسی اوچون تعیین ایتیلگن پول، اونینگ مهریه‌سی بوله‌دی.
شونینگ‌دیک جناب آریا، باله‌لیک‌ده زوردن نامزد قیلینگنی توغریسیده خانم رحمانی تامانیدن کیریتیلگن ادعانی رد ایتیب ایتیشیچه، اولر خانم پریزا 23 یاشیده بولگن چاغیده تورموش قورگن و بو تورموش ایکی تامان‌نینگ کیلیشووی اساس عمل‌گه آشیریلگن.
جناب آریا سلام‌وطندار بیلن اوتکزگن صحبت‌لری آخریده ایتیشیچه، او نیچه ییل خبرچی بولیب و برچه مدنی فعالیت‌لرگه اشتراک ایتگن. شونینگ‌دیک، حاضرگه‌قدر، عیال‌لرنینگ حقوقی‌دن دفاع قیلیش اوچون 18 مقاله یازگن. بولرگه اساس، بونده‌ی بیر کیشی قنده‌ی قیلیب خانم پریزا باغله‌گن ادعالرنی عمل‌گه آشیره‌دی؟
