افغانستان بوییچه آمریکا ایلچیسی جان بس نینگ ایتیشیچه، طالبان گروهی دوحه تینچلیک سوزلشووی خصوصیده ناتوغری تبلیغ و معلومات بیریش اوچون سعی و حرکت قیله‌دی.
آمریکا ایلچی‌خانه‌سیده قطار خبرچی‌لر بیلن صحبت اوتکزگن جان بس نینگ کوپه‌یتیریشیچه، دوحه تینچلیک سوزلشوویدن مقصد اوروش یکونلنیشی، افغانستان نینگ 17- ییل‌لیک یوتوق‌لرینی سقله‌نیشی و جماعه نینگ آرتده قیتمه‌یشی توغریسیده بیر کیلیشووگه قول تاپیش دیر.
اونینگ کوپه‌یتیریشیچه، افغانستان تینچلیک لایحه‌سی بوییچه آمریکا خاص نماینده‌سی زلمی خلیلزاد بیر سیاست‌چی عنوانیده آمریکا جمهور باشلیغی و تشقی ایشلر وزیرلیگی‌نینگ دستوری‌نی عملی قیله‌دی.
جان بس نینگ ایتیشیچه، طالبان گروهی‌نی ناتوغری تبلیغی‌دن مقصد افغانستان امنیتی کوچلری برابریده شکست بیلن دوچ کیلگنی خصوصیده، اهالی فکرینی اوزگرتیریش دیر.
افغانستان بوییچه آمریکا ایلچیسی نینگ کوپه‌یتیریشیچه، طالبان گروهی اوروش‌گه دوام بیرگن صورتده، کوپراغ تلفات کوریب و اوروش‌نی دوام تاپیشی ممکن. انه‌شو سبب تینچلیک کیلیشوو افغانستان یشاوچیلری‌نینگ رنجی‌نی کمه‌یتیریش اوچون اساسی یول دیر.
شوتوغریده…
- تینچلیک سوزلشوولری جدی باسقیچ گه اوتگن
حمدالله محب نینگ اورنی گه باشقه کیشی‌لر جمهور رئیس گه تکلیف قیلینگن
اونینگ ایتیشیچه، آمریکا و طالبان گروهی نماینده‌لری‌نینگ سوزلشوولری، افغانستان حکومتی و طالبان گروهی‌نینگ سوزلشوولری منعی‌سیگه ایمس. « بیز طالبان گروهی بیلن آمریکا کوچلری و سیاست‌لری اوستیگه تاثیر قویه‌دیگن ایکی اونملی موضوع توغریسیده صحبت قیله‌میز.»
جان بس نینگ کوپه‌یتیریشیچه، آمریکا موقت حکومت ایجاد ایتیلیشی، اساسی قانون و افغانستان حاضرگی حکومتی‌نی طالبان گروهی بیلن قوشمه حکومت قوریشی خصوصیده صحبت قیلمه‌یدی. «سوزلشوولرنی افغانستان‌لیک‌لر آره‌سیده باشلنگنی‌دن سونگ، طالبان گروهی و افغانستان حکومتی بیلن صحبت قیلینگن موضوع‌لرنی اوشبو ییغینده مطرح ایتیلیشی ممکن و او پیت‌ده افغانستان حکومتی و طالبان نماینده‌لرینی نهایی کیلیشووگه قرار قیلیشی ممکن.»
