20- اسد ده قره‌باغ تومنیدن طالب‌لر واسطه‌سی بیلن توتیلگن یولاوچی‌لر، بوگون کیش قورونده قویب یوباریلدی.
غزنی ولایتی کینگش عضوی فاطمه رحیمی‌نینگ سلام‌وطندارگه ایتیشیچه، بو توتیلگن‌لر سانی 10 کیشی‌گه ایتردی، منطقه آقسقاللری اره چیلیگی بیلن بوگون (23- استد) کیش قورونده قویب یوباریلگن.
خانم رحیمی‌نینگ ایتیشیچه، بولرنی قویب یوباریش اوچون قیسی بیر آلیش-بیریش بولمه‌گن.
ایتیلیشیچه، توتیلگن کیشی‌لر زابل ولایتی‌ده طالب‌لر تامانیدن اسره‌لیب کیلماقده ایکن‌لر و مذکور گروه تیکشیرولری اساسیده توتیلگن‌لر حکومت نفری ایمس‌لیگی انیق بولگن بیرحالده قویب یوبارگنلر.
جاغوری تومنی‌نینگ باشلیغی ظفر شریف هم توتیلگن‌لر قویب بویاریلیشی‌نی تأیید قیله‌دی، اما حاضرگه قدر اولر اویلریگه ییتیب کیلمه‌گن دیدی.
غزنی امنیت آمری اسدالله انصافی هم بومطلب‌نی تأیید قیله‌دی و بولر تیزلیکده اویلریگه کیلیشی‌گه امید قیله‌دی.
بو شوپیتده بوله‌دیکه ایکی کون آلدین هم اوشبو یولدن 7 کیشی توتیلگن ایدی، بیراق حاضرگه قدر اولر وضعیتی‌دن هیچ معلومات قولده یوق.
شونینگ‌دیک تورت کون آلدین هم طالب‌لر جاغوری یشاوچی‌لریدن 4 کیشینی اوغیرله‌گن ایدی و نیچه کون اوتیشی بیلن اولرنی اوقگه تارتدیلر.
