جاغوری و مالستان تومن‌لری اوستیگه طالب‌لرنینگ هجوم‌لری باشلنگنیدن ایکی هفته‌دن کوپراق اوتماقده و بوگون غزنی حاکمی سوزلاوچیسی محمدعارف نوری‌نینگ ایتیشیچه، جاغوری اطرافیده‌گی ناتینچ منطقه‌لرده کینگ حربی عملیات باشلنگن و طالب‌لر ییر و هوا دن نشانگه آلینه‌دیلر.
اونینگ ایتیشیچه، طالب‌لر مالستان و جاغوریدن چیققن‌لر و بو تومن‌لرنینگ وضعیتی امنیتی کوچلرنینگ نظارتی‌ده دیر.
باشقه تاماندن، نماینده‌لر کینگشی‌ده غزنی اهالیسی‌نی نماینده‌لری، مذکور ولایت‌نینگ امنیتی قیین‌چیلیک‌لریگه نسبتن مرکزی حکومت‌نینگ دقت‌سیزلیک‌لریدن تنقید قیلیب ایتیشیچه، اوروش گه نقطه قوییلیشی و طالب‌لرنی قته‌غن قیلیش خصوصیده، ییترلیچه دقت قیلینمه‌گن.
نماینده‌لر کینگشی اعضاسی عبدالقیوم سجادی، طالب‌لرنینگ برابریده امنیتی کوچلر هجوم قیلیش‌لرینی سوره‌یدی.
او، کیسکین حمایه‌وی کوچلرنینگ فعالیت‌لریدن تنقید قیلیب و بو کوچلر وقتی بیلن عمل قیلمه‌گنینی بیلدیرگن.
شونینگدیک، نماینده‌لر کینگشی‌ده غزنی اهالیسی‌نی باشقه بیر نماینده‌سی شاه‌گل رضایی، حکومت‌دن جنگریلرنینگ اصلی ییرلرینی نشانگه آلیشینی طلب قیلگن.
رضایی، طالب‌لرنینگ هجوملرینی دفع قیلیش اوچون جاغوری و مالستان گه بارگن کوچلرنی فعالیت‌لریدن تنقید قیلیب ایتیشیچه، اولر مهمانلیک و سیاحت بیلن مشغول بولگن‌لری اوچون اوروش توغریسیده اویلمه‌یدیلر.
عین حالده، غزنی ولایتی‌نینگ مالستان تومنی‌نی ولسوالی ضامن‌علی هدایت، مذکور تومن گه ییر آرقه‌لی یاردمچی کوچلر ییتیشگنیدن خبر بیریب ایتیشیچه، طالب‌لر حاضرگچه مواضع‌لریدن چیقمه‌گن و امنیتی کوچلر حربی عملیات اوچون تیارگرلیک آله‌دیلر.
شونینگدیک، سلام‌وطندارگه صحبت بیرگن جاغوری تومنی یشاوچیلریدن بیرقطاری‌نینگ ایتیشیچه، طالب‌لر حاضرگچه مذکور تومن‌نینگ ایریم منطقه‌لریده فعالیت قیله‌دی؛ لیکن هجوملرینی کمه‌یگن.
