ایچکی ایش‌لر وزیرلیگی ترافیک اداره‌سی نینگ مسوول‌لری، 1395- ییل‌نینگ بیرینچی آیی‌ده 136 ترافیک واقعه یوز بیرگن لیگینی ایتگن‌لر.
بو حادثه‌لر عمومی یول‌لرده روی بیرگن. ایتیلیشیچه، اوشبو ترافیک حادثه‌لرده 79 یولاووچی قربان بولگن و 231 انسان ایسه آغیر یینگیل جراحت آلگن.
مملکت ایچکی ایش‌لر وزیرلیگی عمومی مدیری عبدالطیف خیرخواه‌نینگ سلام‌وطندارگه ایتیشیچه، افغانستان‌ده کوپینچه یوز بیره دیگن ترافیک حادثه‌لری هیداووچی‌لری‌نینگ احتیاط سیزلیگی باعث روی بیره‌دی.
عین حالده، مملکت عمومی یول‌لری زمانوی بولمه‌گن لیگی هم ترافیک واقعه‌لر اوچون باشقه بیر معما بولگن. اما، ایچکی ایش‌لر وزیرلیگی‌نینگ ترافیک اداره‌سی مدیری، مملکت بویلب ترافیک واقعه‌لر سانی کمیتیریلیشی اوچون وزیرلیک بعضی بیر لایحه‌لرنی قولگه آلینگن دیگن.
جناب خیرخواه گه کوره، بوندن بویان هیداووچی‌لر تیکشیریله‌دی. هیداوچیلیک پیتی‌ده هیداووچی هر قنده‌ی مخدر ماده‌سیدن فایده‌لنگن لیگی انیق لنگن تقدیرده، ترافیک اداره‌سی مسوول‌لری، آرقه‌لی قولگه آلینیب، هیداوچیلیک حجتی بیکار قیلینیب، تقلب قیلگن شخص عدلی طب‌گه یوباریله‌دی.
جناب خیرخواه، عمومی یول‌لرده هیداووچی‌لرنی تیکشیریش برنامه‌سی یقین کیله‌جک‌ده پولیس همکارلیگی بیلن باشله‌نیشی توغریسی‌ده خبر بیرگن.
افغانستان عمومی ترافیک یول‌لری، اخیرگی ییل‌لرده یامان ترافیک واقعه‌لر گواهی بولدی. بو حادثه‌لرده یوز بیرگن تلفات‌نینگ رقمی اوروش ده تینچ اهالی‌گه ییتگن تلفات‌نینگ اوچ دن بیر قسمی ایکن لیگی تخیمن بولگن. شونینگ‌دیک ترافیک حادثه‌لرده یره‌لنگن‌لرسانی جنگ‌ده جراحت آلگن‌لرنینگ یریمی‌نی تشکیل بیرگن.
