جمهور رئیس محمداشرف غنی تینچلیک مصلحتی قورولتایی‌ده حضور تاپیب بو قورولتایی‌نی افتتاح قیلدی.
جمهور رئیس‌نی قورولتایی نینگ آچیلیش مراسمیده ایتیشیچه، قورولتایی‌نی افغانستان تاریخیده خاص اهمیتی بار و بو قورولتایی ایچکی سیاست‌لر و تینچلیک توغریسیده اونملی نقش اوینه‌گن.
جمهور رئیس غنی نینگ کوپه‌یتیریشیچه، بیزیم جامعه‌ده قورولتایی نهادینه بولگن و بو قورولتایی‌نی یولگه قوییلیشی بیرلیک و بیردملیک‌نی کورسته‌دی.
جناب غنی نینگ ایتیشیچه، ینگی تحولات آرقه‌لی قورولتایی‌گه اوزگریشلیک کیلگن و بوگون یاش رهبرلر بو ییغینده اشتراک قیلیگن و مذکور ییغین نینگ 30% نی عیاللر تشکیل بیره‌دی.
اونینگ کوپه‌یتیریشیچه، مصلحت، حکومت‌نی توغری یولده هدایت قیله‌دیگن یخشی بیر یول دیر و سیزلر حکومت‌نی دایمی تینچلیک تامین ایتیلیشی خصوصیده مصلحت بیریش اوچون توپلنگن سیزلر.
جمهور رئیس نینگ ایتیشیچه، افغانستان بوتون منطقه‌لری نینگ نماینده‌لرینی بیربیراولری بیلن آشنا بولیشی بو قورولتایی نینگ یوتوقلریدن بیری دیر و بو موضوع حکومت اوچون اونملی دیر.
غنی نینگ کوپه‌یتیریشیچه، بو قورولتایی‌ده سوزلشوولر چهارچوبی و طالبان گروهی بیلن بولگن تینچلیک سوزلشوولرنینگ ریجه‌سی بیللی ایتیله‌دی و مملکت‌ده تینچلیک تامین ایتیلگن صورتده، بیزیم چیت‌ایللیک‌لرنینگ یاردمی‌گه نیازیمیز قولمه‌یدی.
اونینگ ایتیشیچه، مین بو ییرده کمپاین اوچون کیلمه‌گن من و بو قورولتایی نینگ اهمیتی‌نی سیلاو کمپاینی اوچون کمه‌یتیرمیمن. اونینگ کوپه‌یتیریشیچه، بو قورولتایی‌ده افغانستان کیله‌جگی بیر قرن اوچون بیللی ایتیله‌دی.
جناب غنی نینگ ایتیشیچه، تینچلیک کیلتیریش ملی بیرلیک حکومتی نینگ اولویتی‌دن دیر و ملی بیرلیک حکومت نینگ سونگی ایکی ییلی ملی بیر گفتمان‌گه اوزگریلگن.
اونینگ کوپه‌یتریشیچه، تینچلیک کیلتیریش اوچون قوشنی مملکت‌لر، جمله‌دن پاکستان‌گه مراجعت قیلگنلر و اوشبو مملکت‌لر مسووللریدن همکارلیک قیلیشی‌نی سوره‌گنلر.
جمهور رئیس نینگ ایتیشیچه، حاضرده اوروش نینگ دوام تاپیشی اوچون هیچ‌قندی شرعی مبنا یوق دیر و دین عالم‌لرنی بو ییغینده تینچلیک‌نی اساسی شکلده تعریف قیلیشی کیره‌ک.
اونینگ کوپه‌یتیریشیچه، دایمی تینچلیک ایسته‌یدی. او طالبان گروهی‌دن افغانستان حکومتی بیلن مذاکره قیلیشی‌نی سوره‌یدی و چیت‌ایللیکلر حسارتی‌گه بولگن صورتده، آزاد قیلیشی‌نی ایته‌دی.
جمهور رئیس غنی سوزلری‌نینگ اداغی‌ده، جهادی چهره‌لردن بولمیش عبدالرب رسول سیاف‌نی تینچلیک قورولتایی‌نینگ باشلیغی عنوانیده تعیین قیلدی.
مملکت اونملی سیاسی چهره‌لری، جمله‌دن ملی بیرلیک حکومتی نینگ اجرایی باشلیغی عبدالله عبدالله، تینچلیک عالی کینگشی‌نینگ باشلیغی محمدکریم خلیلی و جمهورلیک ریاستی سیلاوی نامزدلریدن کوپ قطاری تینچلیک مصلحتی قورولتایی‌نی تحریم قیلگنلر.
ایتیش کیره‌ک‌که، تینچلیک مصلحتی قورولتایی‌گه 3200 کیشی اشتراک قیلگن و اوشبو ییغین 4 کون دوام تاپه‌دی.
تینچلیک مصلحتی قورولتایی نینگ 51 کمیته‌سی بار و مذکور کمیته‌لر ییغین نینگ 4- کونیده گزارش‌لرینی قورولتایی اداری هیاتی‌گه تاپشیره‌دیلر.
