آمریکا جمهور رئیسی دونالد ترامپ نینگ اوز توییتر صحیفهسیده یازیشیچه، افغانستاندن آمریکا حربیلری بوتونلهی چیقیشی توغریسیده طالبان نینگ فکری فرقلی بولگن. اونگه کوره، افغانستانده بو کوچلرنینگ حضوری طالبان گه منفعت کیلتیرهدی.
اونینگ اورغولشیچه، آمریکا طالبان اوچون پول تاپووچی دیر و بو گروه افغانستانده آمریکا حربیلری نینگ حضوریدن دالر قولگه کیریتهدی.
آمریکا جمهور رئیسی بو سوزلرینی افغانستان برابریده آمریکانینگ موضوعی توغریسیده والاستریت ژورنال کوندهلیگی نینگ باش مقالهسی گه عکسالعمل بیان قیلگن. بو مقاله ده افغانستان توغریسیده دونالد ترامپ نینگ دولتینی ایشی «اویلهمسدن قرار آلیش» دییلگن.
دونالد ترامپ گه کوره، افغانستانده آمریکانینگ 19 ییللیک حضوری گه قرهگنده، دولتی نینگ ایشی «اویلهمسدن قرار آلیش» دییلیشی قیین دیر.
ترامپ نینگ اوز توییتر صحیفهسیده یازیشیچه، افغانستانده آمریکا حربیلری بو مملکت ده بیرینچی حضوریدن باشقه هیچ قچان یوتوق اوچون کورهشمهگن.
اونینگ ینه بیر بار اورغولشیچه، افغانستانده آمریکا کوچلری یالغیز پولیس رولینی اوینهیدی.
آمریکا و طالبان گروهی آرهسیده اوتگن ییل حوت آییده قطر باشکینتی دوحه ده امضالنگن تینچلیک کیلیشوونامه اساسیده، بو مملکت تورت آی جریانیده افغانستاندهگی حربیلرینی 8600 گه کمهیتیردی و کیلهسی 14 آیگچه آمریکانینگ بوتون حربیلری افغانستان نی ترک قیلیشی کیرهک.
