افغانستان تینچلیک سوزلشوولر جریانی اوزاق مدتدن بویان حکومت و طالبان آره‌سیده جنجل‌لی مسئله‌لردن بیری بولگن. طالبان گروهی تینچلیک سوزلشوولری باشلنگنیدن بویان حکومت‌نی ناقانونی دیب و دولت بیلن سوزلشووگه حاضر بولمه‌گن.
عین حالده، حکومت هردایم طالبان گروهی بیلن ایرکین سوزلشوونی ایسته‌گن و شونینگدیک، ینگی‌لیک‌ده طالبان گروهی بیلن تینچلیک سوزلشوولر جریانینی مدیریت قیلینیشی اوچون بیردملیک عالی رهبرلیک کینگشی نی ایجاد قیلگن.
حکومت نینگ اعلان قیلیشیچه، طالبان گروهی افغانستان دولتی نینگ هیأتی بیلن مذاکره قیلیش گه حاضر بولگن، بیراق طالبان گروهی بیر خبرنامه ترقه‌تیب ایتیشیچه، قطر ییغینیده اشتراک قیله‌دیگن‌لر افغانستان حکومتی دن نماینده‌لیک قیلمه‌یدی و اشتراکچی‌لر توشونچه‌لرینی اوز آدرسی دن بیان قیله‌دی.
سلام‌وطندارگه صحبت بیرگن طالبان گروهی نینگ سابق رسمی‌لریدن بیری و سیاسی ایش بیلرمان وحید مژده نینگ ایتیشیچه، طالبان گروهی بیلن تینچلیک سوزلشوولرینی آلغه آلیب باره‌دیگن حکومتی هیأت اعضالری آره‌سیده همگرالیک یوق دیر و شونینگدیک، همگرالیک ایجاد ایتیلیشی خصوصیده ظرفیت کورینمه‌یدی.
جمهورلیک ریاستی سرایی طالبان گروهی نینگ ینگی موضوعی توغریسیده هیچ نرسه دیمه‌یدی، بیراق تینچلیک عالی کینگشی حکومت نینگ سابق موضوعی اوستیگه تأکیدله‌یدی.
سلام‌وطندارگه صحبت بیرگن تینچلیک عالی کینگشی سوزلاوچیسی‌نی اورین باسری اسدالله زایری نینگ ایتیشیچه، تینچیلیک سوزلشوولری خصوصیده‌گی هیأت حکومت و افغانستان اهالیسی نینگ آدرسیدن توپلم بیر موضوع بیلن دوحه تینچلیک ییغینیده اشتراک قیله‌دی.
ایسلش کیره‌ک کیم، حکومت بوندن آلدین طالبان گروهی بیلن تینچلیک سوزلشوولرینی آلغه آلیب باریش اوچون جمهور رئیس غنی نینگ دفترینی باشلیغی سلام رحیمی نینگ رهبرلیگی‌ده قطرگه بیر هیأت یوبارگن ایدی، بیراق طالبان گروهی بو هیأت بیلن مذاکره قیلیش گه حاضر بولمه‌دی.
شونده‌ی بیرحالت‌ده، حکومت بو مرته تکرارسیز بیر آرقه گه چیکیلیش‌ده دولتی هیأت ترکیبی نی اوزگرتریب و سیاسی و جهادی سیمالردن بیرقطاری نی هیأت گه شامل قیلگن.
عین حالده، اوتگن کیچه افغانستان تینچلیک لایحه‌سی بوییچه آمریکا تشقی ایشلر وزیرلیگی‌نی خاص نماینده‌سی زلمی خلیلزاد، توییتریده آمریکا ایلچی‌خانه‌سی نینگ اعلامیه‌سینی نشر قیلدی. اوشبو اعلامیه ده کیلیشیچه، قطرده یولگه قوییله‌دیگن کیله‌سی تینچلیک ییغینیده افغانستان حکومتی نینگ نماینده‌لری هم اشتراک قیله‌دیلر.
