آمریکا و طالبان آره‌سیده‌گی تینچلیک سوزلشوولری توخته‌تیلگنیدن سونگ، مملکت ده طالبان گروهی گه قرشی امنیتی کوچلرنینگ هجوملری شدتلنگن.
امنیتی مسؤوللرنینگ ایتیشیچه، اوشبو هجوملر دوام ایتگن صورتده، طالبان گروهی باشقه ایکی آی‌گچه کوچسیز بولیشی ممکن.
افغان امنیتی کوچلری نینگ سونگی هجوملری نتیجه سیده، بدخشان ولایتی نینگ کران‌ومنجان، وردوج و یمگان تومن‌لری طالبان گروهی نینگ نظارتی دن چیقاریلدی.
ملی مدافعه وزیرلیگی سوزلاوچیسی روح‌الله احمدزی نینگ ایتیشیچه، امنیتی کوچلرنینگ هجوملری شدتلنگنیدن مقصد، افغانستان توپراغیدن ترورچی گروهلر اینیقسه طالبان جنگریلرینی یوق قیلیش دیر.
جناب احمدزی نینگ ایتیشیچه، ترورچی گروهلر بوتونله‌ی نابود ایتیلگونگه‌قدر، اولرنینگ برابریده امنیتی کوچلرنینگ ییر و هوایی هجوملری دوام ایتیشی ممکن.
بیراق، افغانستان حربی ایش بیلرمانلریدن بیری عتیق‌الله امرخیل نینگ ایتیشیچه، حکومت طالبان گروهی گه قرشی هجوملرینی شدتلنتیریب و بو گروه نی افغانستانلیک‌لر ارا تینچلیک مذاکره‌سی گه تن بیریشی اوچون زورله‌یدی.
شونینگدیک، حربی ایش بیلرمانلردن باشقه بیری و ایچکی ایشلر وزیرلیگی نینگ سابق اورین باسری میرزامحمد یارمندنینگ ایتیشیچه، طالبان گروهی تینچلیک سوزلشوولری جریانیده، افغانستان امنیتی کوچلری گه قرشی هجوملرینی شدتلنتیردی و شو یوزه‌دن حکومت افغانستاندن مدافعه قیلیش اوچون مذکور گروه گه قرشی هجوملرینی شدتلنتیریش گه حقلی دیر.
آمریکا جمهور رئیسی دونالد ترامپ تامانیدن آمریکا و طالبان آره‌سیده‌گی تینچلیک سوزلشوولری توخته‌تیلگنیدن سونگ، افغانستانده اوروش شدتلندی و افغان امنیتی کوچلری بیلن طالبان گروهی بیر-بیراوی گه قرشی هجوملرینی شدتلنتیرگن.
شو توغریده…
استولتنبرگ: ناتو و بیرلشیک‌لری افغانستاندن حمایت قیلیش گه دوام بیره‌دی
