بوگون «یکشنبه» جمهورلیک سراییده 8- مارچ دن نشانلش مراسم ده نطق سوزلهگن جمهور رئیس محمداشرف غنی نینگ ایتیشیچه، مملکتده تینچلیک تأمینلنیشی اوچون تروریستی ترماقلر بیلن پاکستان علاقهسی و حرام اقتصاد جدی شکلده بحث گه آلینیب و شونینگدیک، تینچلیک سوزلشوولری جریانیده بولگن ناانیقلیک آچیقلهنیشی کیرهک.
جمهور رئیس گه کوره، افغانستانده خلق ارا کوچلرینینگ حضوری بحث گه آلینیشی لازم؛ بیراق پاکستان بیلن طالبان علاقهسی خلق ارالیک ییغینده بحث گه آلینیشی لازم.
جناب غنی نینگ ایتیشیچه، تینچلیک لایحهسی دقیق و دقت بیلن آلغه آلیب باریلمهگن صورتده، ناتینچلیک کوپهییشی ممکن.
شونینگدیک، بو ییغینده جمهور رئیس غنی، ملی بیرلیک حکومتیده عیاللرنینگ یوتوقلری توغریسیده صحبت قیلیب ایتیشیچه، ملی بیرلیک حکومتینینگ دولتی پستلریده عیاللر تعیین ایتیلیشی خصوصیده، فکری توسیقلر بار ایدی و بو توسیقلر کوتریلدی.
اونگه کوره، ملی بیرلیک حکومتیده عیاللر ایلچیلیک و بیرلشگن ملتلر تشکیلاتیده خاص نمایندهلیک مقاملریگه ایریشگنلر.
شو توغریده…
دوحه ییغینی؛ تینچلیک سوزلشوولرینی نتیجهسی نامعلوم دیر
دوحه ییغینیده افغانستاننینگ 17 ییللیک اوروشی یکونلهنیشی اوستیگه کیلیشیلدی
خلیلزاد دوحه ییغینی توغریسیده معلومات بیردی
عین حالده، جمهورلیک ریاستینینگ ملی خوفسیزلیک کینگشینی سابق مصلحتچیسی حنیف اتمر، باشقچه حکایت قیلهدی.
کابلده 8- مارچ مناسبتی بیلن یولگه قوییلگن مراسم ده محمدحنیف اتمر، ملی بیرلیک حکومتینینگ ایشلریدن تنقید قیلیب ایتیشیچه، اوتگن 5 ییلده عیاللر و بالهلر شامل مملکت یشاوچیلریدن 150 مینگ تهسی هلاک و یرهلنگن.
اتمرگه کوره، قضایی ادارهلرده فساد موجودلیگی، حاضرگی توزوم ده عیاللرنینگ اشتراکسیزلیگی و مسؤولسیز حکومتدارلیک عیاللرنی اوستیگه سلبی تأثیر قویگن.
جمهور رئیس غنینینگ سابق مصلحتچیسی گه کوره، ملی بیرلیک حکومت سابق دن آچیلگن پروژهلرنی قیتهدن آچهدی و بو ایسه حکومت نینگ اَلداوچیلیگینی کورستهدی.
