ملی بیرلیک حکومتی‌نینگ اجراییه باشلیغی عبدالله عبدالله نینگ «عیال‌لرنینگ ملی رواجله‌نیش همکارلیگی ییغینی» ده ایتیشیچه، تومن لرکینگشی چوکی‌لرینی قولگه کیلتریش اوچون اوزلرینی کاندید قیلگن عیال‌لرنینگ رقمی کم دیر.
جناب عبدالله گه کوره، حکومت‌نینگ یوقاری سطحی‌گه عیال‌لرنینگ حضوری کم بولگنی سبب اولر سیس‌لری یشیتیلمی و حق‌لریگه قول تاپهآلمیدی.
نماینده لرکینگشی اعضاسی فوزیه کوفی‌نینگ اوشبو ییغین‌گه ایتیشیچه، پروموت پروژه، عیال‌لرنینگ ملی لایحه لرگه اشتراک قیلیش‌لرینی کوچلی ایته‌دی. خانم کوفی گه کوره، پروموت پروژه سی ملی لایحه لرگه عیال‌لرنینگ سهیم بولیشی اوچون فعالیت قیله‌دیگن یالغیز برنامه دیر.
تومن‌لر کینگشی ده 2208 چوکی نظرگه توتیلگن و 6 مینگ کیشی اوشبو لایحه گه اوزلرینی کاندید قیلگن و اوشبو جمله دن یالغیز 422 کیشی سینی عیال‌لر تشکیل بیره‌دی.
پروموت پروژه سی عیال‌لرنینگ عدالت‌گه قول تاپیش، عیال‌لرگه قرشی زوره‌وانلیک‌نی نابود قیلیش، عیال‌لرنینگ سیاسی و اقتصادی بولیم‌لرده کوچلی ایتیش، اولرنینگ تعلیمات کوریشی و افغانستان عیال‌لریگه ساغلیق خذمت‌لرنی یتکیزیش خصوصیده فعالیت قیله‌دی.
