نمایندهلر مجلسی نینگ 16- دوری ییتینچی ییلی نینگ اداری هیاتی تنلهنیشی اوچون سیلاو اوتکزیلدی. نمایندهلر مجلسی نینگ اعضالری قیشگی دَم آلیشدن سونگ اوتکزگن بیرینچی ییغینده اداری هیاتنی تنلش مقصدیده صندوق قویدیلر.
پارلمان بیرینچی اورین باسرلیگی اوچون عبدالظاهر قدیر، همایون همایون و میرویس یاسینی و مجلس نینگ ایکّینچی اورین باسرلیگی اوچون نذیراحمدزی و نعمتالله غفاریلر نامزدلیگینی ایلگری سوردی. بولردن فقط نذیراحمدزی 133 ایجابی رای آلیش بیلن مجلس نینگ ایکینچی اورین باسری اولهراق تصدیق لندی.
شونینگدیک پارلمان کاتبلیگیگه عبدالرووف انعامی و صالح محمد سلجوقیلر کاندید قیلگن. لیکن، بولردن هیچ بیری 1+50 رای آلیشگه موفق بولمهگن.
مجلس کاتبلیگی معاونیتی اوچون کاندیدلیگینی ایلگری سورگن عرفانالله عرفان هیچ قندهی قیینچیلیک سیز مذکور لوازمگه ایریشگن.
بیرینچی اورین باسرلیک همده کاتبلیک اوچون ایرتهگه ینه پارلمانده سیلاو اوتکزیلیشی کوتیلهدی.
پارلمان نینگ بوگونکی عمومی ییغینیده 218 نماینده حاضر بولگن. اداری هیاتنی تنلش اوچون 1+50 یعنی هر بیر نامزد 110 ایجابی آواز آلیشی کوزلنگن.
