د سیاسي او پوځي چارو یوشمېر شنونکي وايي، تر هغې چې د افغانسولې په اړه سیمهییزه اجماع نه وي جوړه شوې، د امریکايي چارواکیو سفرونه بېپایلې دي.
د امریکا دفاع وزیر جېمز مټېس تېره ورځ په یوه نااعلان شوي سفر کابل ته راغی او دلته یې له افغان لوړوپوړیو چارواکیو سره ولیدل.
که څه هم د راپورونو له مخې، طالبانو سره د افغان حکومت د سولې پروسې او د هېواد وروستي امنیتي وضعیت ارزول، د مټېس د سفر اصلي موخې یادې شوي، خو یوشمېر کارپوهان وايي، تر هغې چې د افغان سولې په اړه سیمهییزه اجماع جوړه نهشي، هېواد ته د امریکايي چارواکیو سفرونه بېګټې دي.
پوځي شنونکی جاوېد کوهستاني وايي، امریکايي چارواکي هڅه کوي چې د سیمې کې د افغان سولې په اړه واحد لیدلوری رامنځته شي، خو په وینا یې دا کار هغه مهال شونی دی چې د سولې پروسه رڼه او جګړه کمه شي.
خو د سیاسي چارو کارپوه اسحاق اتمر وايي، کابل ته د امریکا د دفاع وزیر راتګ، افغانستان کې د جګړې پایته رسول او د افغان سولې په اړه د سیمهییزې اجماع رامنځته کولو لهپاره بولي.
د نوموړي په باور، که د افغانستان جګړه کې د سیمې نور ښکېل اړخونه د امریکايي چارواکیو هڅو ته مثبت ځواب ورکړي، کېدای شي د سولې پروسې کې څهناڅه پرمختګ وشي، خو که د سیمې هېوادونو او استخباراتو ترمنځ تقابل زیات شي، هېواد کې روانه جګړه به نوره هم پراخه شي.
د امریکا دفاع وزیر داسې مهال کابل ته سفر کوي چې تردې وړاندې د دې هېواد د بهرنیوچارو وزیر مایک پمپیو پاکستان ته سفر کړی و او د هغه هېواد له چارواکیو یې غوښتني وو چې د ترهګرۍ پر وړاندې مبارزه او افغان سولې برخه کې کوټلي ګامونه واخلي.
