ترکیه باش وزیری بینالی ییلدیریم، مذکور مملکت‌ده حربی کوتادن خبر بیره‌دی. او، میدیا بیلن صحبت اوتکزیب ایتیشیچه، اوشبو کودتا حربی ایچیده قطار تشکیلات تامانیدن یولگه قوییلگن.
حربی کوچلر، سلطان محمد و بسفر کوپریک‌لرینی توسگن و استانبول‌ده اوق سیسی ایشیتیلگن. ایتیش لازم، اجتماعی ترماقلر جمله‌دن تویتر، فیسبوک و یوتیوب فعالیتی توخته‌تیلگن و حربی تیک اوچرلر، استانبول و انقره اوستیگه اَیلنه‌دی.
گزارشلر اساسیده، ترکیه بوییچه حربی حکومت اعلان قیلینگن و تانک‌لر قتناو یوللرده جایلشگن.
ایتیلیشیچه، مذکور مملکت جمهور رییسی رجب طیب اردوغان، خوفسیز بیر جای‌گه آلیب باریلگن.
شونینگ‌دیک، ترکیه حربی‌سی بیر خبرنامه ترقه‌تیب ایتیشیچه، «دموکراسی و انسان حق و حقوقلری اوچون حکومت اداره‌سینی قولگه آلگن.»
